O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Yong’oqning poya o’zagini chirishi. Kasallikni qo’zg’atuvchisi Polyporus hispidus yoki Tnonotus hispidus zamburug’laridir. Bu zamburug’lar tufayli yong’oq daraxtining asosi poyasini o’zak qismi sarg’ish oq rangdagi chirishni keltirib chiqaradi. Poyaning zararlangan qismi sog’lomidan to’q qo’ng’ir rangdagi hoshiya bilan ajralib turadi. Poyani yog’ochlik qismini chirishi tufayli ba’zi hollarda butunlay hamma qismi qurib qoladi. Zamburug’ni rivojlanishi tufayli ko’pincha poyada teshiklar hosil bo’ladi. Meva tanalarni hosil bo’lishi bilan zamburug’ uchun oziqa manbai bo’lgan yog’simon qavat, yog’och va po’stloq orasida yuzaga keladi. Zamburug’ning meva tanasi daraxt poyasining turli qismida hosil bo’lishi mumkin. Yong’oqning daraxt tanasida hosil bo’lgan meva tanalarning ostki qismida gimenoforalar mavjud bo’lib, shu qismidan yetilgan bazidiosporalar atrofga tarqaladi, ya’ni bu meva tanalar kasallikni tarqatuvchi asosiy infeksiya manbai bo’lib hisoblanadi.