O’zbеkiston rеspublikasi oliy va o’rta maxsus ta'lim vazirligi samarqand davlat universiteti Pedagogika fakultеti Boshlang`ich ta'lim metodikasi kafеdrasi

II- variant.
O’qituvchi: mening topshirig’imni e’tibor berib eshiting: «Murodjonga 7 ta marka bor edi. (O’quvchilar yig’malar taxtasiga 7 ta marka qo’yadilar). Murodjon 2 ta o’rtog’iga berdi. Murodjonda qolgan markalarni ko’rsating». (O’quvchi doskaga chiqib, 2 ta markani oladi). Shunday qilib, Murodjonda nechta marka qoldi? (O’quvchilar qolgan markalarni sanab, savolga javob beradilar).
Endi boshqa topshiriqni bajaramiz. (Doskada flanelegrafda olmali daraxt: 12 – 15 dona). Murodjon 6 ta olmani uzib oldi.(Doskaga bir bola chiqib, olmalarni uzib oladi va savatchaga soladi). Muqaddas 2 ta olmani uzib oldi. (Doskaga qiz bola chiqib olmalarni uzib oladi va savtchaga soladi). Hamma uzib olingan olmalarni biz savatchaga soldik, lekin ularni biz sanay olmaymiz, shuning uchun nima qilish kerakligini o’ylash kerak. Murodjon va Muqaddas birgalikda uzgan olmalarni topish uchun qo’shish yoki ayirish kerakmi? (O’quvchilar: «Qo’shish kerak»). Har qanday masala shart va savoldan iborat. Masalaning savoliga javob berish uchun qo'shish yoki ayirish amalini bajarish kerak, buning uchun masalada qaraladigan hodisani yaxshi tasavvur qilish kerak. Yana bitta masalani eshiting: «Faxriddinda 7 ta marka bor edi.(7 raqami yozilgan konvertni ko'rsatadi). U o'rtog’iga 2 ta markani sovg’a qildi. (Konvert ichidan 2 ta marka olinadi). Faxriddinda qolgan markalarni ko'rsating». Bu markalar konvertda va ular nechtaligini bilmaymiz. Masalada bizga nima ma’lum? Faxriddinda qolgan markalarni topish uchun qanday amal bajarish kerak?. (O’quvchilar: «7 dan 2 ni ayirish kerak»). Yechilish va javobi yoziladi.
395. Masala tekstini qismlarga ajratish va masalalarni boshqacha ifodalash o’quvchilarga masalaning muhim elementlari mazmunini aniqlashtirishga yordam beradi. Masalan: «Maktab bog’iga 4 tup olma va 6 tup nok ko’chati o’tqazildi. Hammasi bo’lib necha tup ko’chat o’tqazilgan». Masalaning yechilishini tahlil qiling.
3 96. Ushbu rasmlar bilan ishlaganda o’qituvchi qanday topshiriq berish maqsadga muvofiq? Nima uchun?

?
397. Darsda masalalar bilan ishlashda qanday metodik usullardan foydalanish mumkin?

1. Bog’da 6 tup olma daraxt bor edi. 3 tup daraxt qurib qoldi. Bog’da necha tup olma qoldi?
2. Bog’da 6 tup olma daraxt; va 3 tup ortiq gilos daraxti bor edi. Bog’da necha tup gilos daraxt bor?
398. O’qituvchi darsda o’quvchilar bilan 2 ta mavzuni ko'rib chiqdi: «Stol ustiga 4 ta oq va 3 ta qora kubik qo'yishdi. Stol ustiga hammasi bo’lib nechta oq va qora kubik qo’yishdi?». Berilgan masalalarni taqqoslashda o'quvchilarning e’tiborini nimaga qaratish kerak?
399. Quyidagi rasmlar bo’yicha qanday turdagi masalani tuzish mumkin? Berilgan rasmlar bo’yicha o'quvchilarga masalalarni tuzishga yordam beradigan suhbat tuzing.