O’zbekiston respublikasi oliy va o’rta-maxsus ta’lim vazirligi samarqand davlat universiteti amaliy matematika va informatika «Axborotlashtirish texnologiyalari»

2-§. Hujjatlar ijro nazorati bosqichlari
2.1. Hujjatlarni nazoratga qo’yilishi

Hujjatni nazoratga qo'yilganida hujjatning yuqori qismi o'ng tomonda tasdiq belgisi (odatda shtamp) bo'ladi. Ko'pgina tashkilotlar ushbu belgiga ijro muddatini ko‘rsatishni ham o'z ichiga oladi.

Nazoratga faqat ro'yxatdan o'tgan hujjatlar qo'yiladi.

Hujjatlarning ijro nazorati avtomatlashtirilgan axborot tizimi (ma'lumotlar bazasi), ro'yxatga olish va nazorat qilish uchun bir vaqtda ishlatiladigan, elektron hujjat (Excel elektron jadvali) yoki nazorat - ma'lumotnoma kartasini tashkil etadigan ro'yxatga olish-nazorat kartochkalari (RNK) yordamida amalga oshirilishi mumkin.

Hujjatlarning ijro nazorati amalga oshirilishi uchun ro'yxatdan o'tkazish formasiga (ma'lumotlar bazasi, jurnal, RNK) hujjat haqidagi ma'lumotlar kiritiladi.

RNK yordamida nazorat qilishda, bu holda kartochkaning ikki nusxasi kerak bo'ladi: birinchisi boshqaruvga hujjatlar ta’minoti xizmatiga, ikkinchisi esa tuzilmaviy bo'linma - ijrochisi uchun. Kartochkaning ikkinchi nusxasi bo’yicha bo'linmada hujjat ijro nozorati olib boriladi. Mahalliy tarmoq mavjud bo’lsa, kartochkaning elektron varianti elektron tarzda to'g'ridan-to'g'ri ijrochiga va bo'lim kotibiga yuborish qulay hisoblanadi.

Kirish hujjatlarining muayyan muddatda javob berilishi zarur bo`lgani yoki juda muhim hujjatlarni nazorati uchun alohida kartochkalarni qo'llash maqsadga muvofiq. Chiqish hujjati alohida kartochka bilan to'ldiriladi.

"Bajarilgan hujjatlar" kartochkaning ikkinchi bo`limi hujjatlar ijro etilganda shakllanadi. Kartotekaning ushbu bo'limi tashkilotning o'ziga xos xususiyatlarini hisobga olgan holda: ish uchun qulay bo'lgan har qanday belgi bo'yicha tuzilishi mumkin: hujjatlar turlari, ijro idoralari va boshqalar [15].