O’zbekiston respublikasi oliy va o’rta maxsus ta’lim vazirligi qo’qon davlat pedagogika instituti xamraqulov zafarjon yigitaliyevich

Topshiriq
Bir yigit to’rtta tengdoshi bilan yarim kechasigacha suhbatlashib o’tirdi. Soat
3.00da uyiga qaytmoqchi bo’lganida, tengdoshlari bir yerga borib kelishga
undadilar. Beshovlari ko’p qavatli binolar oldida to’xtab, ularning to’rttasi
yigitga mashinada o’tirib turishni aytib, binolar oralab kirib ketishdi. Yarim
soatlardan so’ng qaytib kelishdi va uning qo’liga oltita tilla buyum va 700
AQSH dollarini tutqizishdi. Ertasiga naqd pul qilib olib kelsa, unga ulush
berishlarini aytishdi. Yigit pul va buyumlar bilan qiziqqanda, hozirgina qimorda
yutib olganliklarini aytishdi. Yigit ertasi kuni ularni so’mga aylantirayotganida,
uni o’g’rilikda ayblab qo’lga olishdi. Bor gapni aytganida to’rt sherigi bundan
tonib yubordi.
–
Tergovchi nima chora qo’llashi kerak?

---

104 
Bunda 18 yoshga to’lmaganlar, 1 va 2 guruh nogironlari, ayollar va 60 yoshdan 
oshgan erkaklar mustasno qilinadi.
Sinov muddati davomida shaxs yangidan jinoyat sodir etsa, yangi sodir 
etilgan jinoyat uchun belgilanadigan muddatga shartli hukm qilishning muddati 
qo’shiladi. Yangi jazo Jinoyat kodeksining 60-moddasi bilan belgilanadi.
Jazoni o’tashdan muddatidan ilgari shartli ozod qilish
sud tomonidan 
tayinlangan jazoni o’tayotgan mahkumlarga nisbatan qo’llaniladi. Bunda 
ozodlikdan mahrum qilish, intizomiy qismga jo’natish, xizmat bo’yicha 
cheklash, ozodlikni cheklash va axloq tuzatish ishlari 
jazolarini o’tayotgan 
mahkumlar nazarda tutiladi. Muddatidan ilgari shartli ozod qilish hali ijro 
etilmagan qo’shimcha jazodan ham ozod qilinishiga olib kelishi mumkin. 
Muddatidan ilgari jazoni o’tashdan shartli ozod qilish uchun mahkumning 
xulqi, o’rnatilgan tartib-qoidalarga bo’ysunishi, mehnatga bo’lgan halol 
munosabati kabi mezonlar hal qiluvchi ahamiyatga ega bo’ladi. Buning uchun jazo 
muddati davomida intizomiy yoki ma’muriy javobgarlikka tortilmasligi, o’zining 
namunali xulq-atvori, yurish-turishi bilan nazorat qiluvchi organning barcha 
talablariga bo’ysunishi zarur.
Muddatidan ilgari jazoni o’tashdan shartli ozod qilish shartlari quyidagi 
tartibda o’rnatilgan: