O’zbekiston respublikasi oliy va o’rta maxsus ta’lim vazirligi qarshi davlat universiteti

Skanerlar.  
Skanerlar kompyuterga tasvirlarni kiritish uchun xizmat qiladi. Ularning asosiy parametrlari: tasvirning 
eng katta o'lchami, piksellar zichligi va bitta tasvirni skanerlash vaqtidir. Yasalishiga ko'ra skanerlar uch turga 
bo'linadi: planshetli, barabanli va dastakli. 
Planshetli  skanerlar  keng  tarqalgan  bo'lib,  ularda  skanerlanadigan  tasvir  nusxa    ko'chirish 
qurilmalaridagi kabi skanerning qopqog'ini ochib, ichiga joylanadi. Barabanli skanerlarda esa skanerlanadigan 
tasvir  joylashgan  qog'ozlarni  skaner  o'zi  tortib  oladi.  Bunday  skanerlarda  masalan,  kitoblarni  skanerlab 
bo'lmaydi. Lekin ularda bir xil o'lchamlarga ega va katta hajmdagi skanerlanadigan tasvirlarni (masalan, test 
topshiriqlarining  javob varaqalarini)  qayta  ishlash  qulay.  Bunday  skanerlar odatda  tez  ishlaydi  va  ularning 
narxi ancha baland. 
Dastakli skanerlarni stol ustida turadigan oldingilaridan farqli ravishda qo'lda ko'tarib yurish mumkin. 
Ular yordamida, masalan savdo shahobchalaridagi tovarlarning shtrix kodlarini o'qish mumkin va ular asosan 
savdo tizimida keng tarqalgan. Ular orasida qalam kabi cho'ntakda olib yuriladiganlari hamda akkumulyator 
va flesh xotira bilan ishlaydiganlari ham bor. 
 
Skanerlar, asosan, A4 format (21smX30sm) yoki B4 format (21X35) uchun mo'ljallangan, lekin sotuvda 
A3 formatli (30smX43sm) skanerlar ham uchraydi. Hozirgi skanerlar tasvirlarni 3000 dpi (dyuymdagi piksellar 
soni)  gacha  zichlikdagi  tasvirlar  hosil  qila  oladi.  Lekin  amalda  tasvirlarni  150–300  dpi  zichlikda  skanerlash 
yetarli.  Skanerlardan  matnlarni  ham  kiritishda  foydalaniladi.  Matn  tasvir  ko'rinishida  skanerlanadi  va 
tasvirdan matnni bilib olish dasturlari yordamida matn ko'rinishiga o'tkaziladi.