O`zbekiston respublikasi oliy va o`rta maxsus ta’lim vazirligi qarshi davlat universiteti mehnat ta’limi kafedrasi servis xizmati fanidan

O’zbekcha palov. Saralab yuvilgan guruch tuzli suvda ivitiladi. Birlashtiruvchi to’qimasi o’rtacha mol yoki qo’y go’shti kubik shaklida kesib tayyorlanadi. Palov 10 porsiyagacha tayyorlansa go’shtni kubik shaklida kessa bo’ladi. Bunda palovning pishish muddati bir muncha kamayadi.
Qozondagi dog’langan o’simlik yog’iga go’sht solinib kizgish qobiq hosil bo’lguncha qovuriladi. Yarim xalqa shaklida to’g’ralgan piyoz solib kizarguncha qovuriladi. Keyin somoncha qilib to’g’ralgan sabzini solib yumshaguncha qovuriladi va suv solib ta’bga ko’ra tuz, ziravorlar solib miltillatib 20-30 daqiqa qaynatiladi. Ivitilgan guruchning suvi silkitilib, qozonga bir tekis yoyib solinadi. Qaynatilganda suyuqlik kamayadi. Bunda guruch 2-3 marta aralashtirilishi kerak. Guruch qozondagi suvni tergandan so’ng qopkog’i yopilib, 30-40 daqiqa davomida damlanadi. Pishgan palovning usti ochilib katta bo’lakli go’sht ajratib olinadi, 15-20 g li kubik shaklda kesiladi. Qozondagi palov aralashtirilib laganga suziladi. Ustiga go’sht qo’yilib dasturxonga tortiladi. Palov uchun alohida achchiq-chuchuk, turp salat va shunga o’xshash salatlardan berish xam mumkin.
O’zbek milliy taomlarida kaboblar xam ma’lum o’rinni egallaydi. Kaboblar qo’y, mol, parranda go’shtlaridan, qiymalaridan, jigardan tayyorlanadi. Kabob pishirishda go’sht chopilib, piyoz, tuz, ziravorlar yordamida marinadlanadi. Keyin sixga tortib, tutunsiz cho’g’ alangasida, yoki ko’p yog’da yoki asosiy usulda qovurilib pishiriladi.
O’zbekcha kabob. Birlashtiruvchi to’qimasi kam bo’lgan qo’y go’shti 12-15g hisobida kubik qilib to’g’raladi. Bosh piyoz mayda chopiladi. Tayyorlangan go’sht, piyoz, yanchilgan kizil qalampir, kashnich urug’i, zira yaxshilab aralshatirilib 3-4 soat sovuq joyga qo’yilib marinadlanadi. marinadlangan go’sht 5-6 dona hisobida sixga tortiladi. Sixga tortilgan kabob tutunsiz cho’g’da qovuriladi. Kabob o’z sixi bilan yoki sixdan bo’shatilagan xolda taqsimchaga qo’yilib, bir chetiga mayda to’g’ralgan piyoz va ko’kat solinib ustidan 3% li sirka qo’yib dasturxonga tortiladi.
Qiyma kabob. Birlashtiruvchi to’qimasi o’rtacha qo’y yoki mol go’shti mayda panjarali go’sht qiymalagichdan o’tqaziladi. Bosh piyoz mayda chopilib,go’sht qiymasi, tuz kashnich urug’i, zira, yanchilgan qalampir bilan aralashtirilib, urib pishitiladi, 2-3 soat marinovkalanadi. Qiyma bo’laklarga bo’linib, uzun silindr shakli berilgan xolda sixga tortiladi. Tutunsiz cho’g’da qizg’ish qobiq hosil qilguncha qovuriladi. Kabob o’z sixi bilan yoki sixdan ajaratilib, taqsimchaga qo’yilib, yoniga to’g’ralgan bosh piyoz va ko’kat aralashmasi ustidan sirka sepib, dasturxonga tortiladi.
O’zbek pazandaligida xamirdan tayyorlanadigan maxsus taomlarni ko’p uchratish mumkin. Ularni alohida yoki ba’zi ichimliklar bilan birga ist’mol qilish mumkin. Xamirdan tayyorlangan milliy taomlar uchun ko’pincha un, tuzli suv, tuxum ishlatiladi. Xamir mahsulotlari uchun esa ular turiga qarab, sut, suv, shakar, tuxum, yog’, go’sht va boshqa masalliqlar ishlatish mumkin. O’zbek milliy xamir taomlariga chuchvara, manti, xonim, lag’mon, mampar, norin va boshqalar kiradi. Ular tayyorlanish usullari, tarkibidagi masalliq miqdori va turiga ishlov berish qoidalariga qarab, o’ziga xos nomlar bilan atalishi mumkin.
Xamirdan tayyorlanadigan taomlarga somsalar, ponchiklar, bo’g’irsoqlar, qush tili, o’rama, gumma va boshqalar kiradi. Ular xam tarkibidagi masalliq turi, ishlov berish texnologiyasi, shakli, tashqi ko’rinishi, mazasi va boshqa ko’rsatkichlari bilan bir-biridan farqlanadi.