O`zbekiston Respublikasi Oliy va O`rta Maxsus Ta`lim Vazirligi O`zbekiston Respublikasi Sog`liqni Saqlash Vazirligi Sobir Rahimov Tibbiyot Kolleji «Kimyo–Biologiya»

O`zbekiston Respublikasi Oliy va O`rta Maxsus Ta`lim Vazirligi 
O`zbekiston Respublikasi Sog`liqni Saqlash Vazirligi 
Sobir Rahimov Tibbiyot Kolleji 
«Kimyo–Biologiya» kafedrasi 
 
 
 
 
 
 
ORGANIK  KIMYODAN  MA`RUZALAR  MATNI 
 
 
 
 
 
 
                                                                                                     Kafedra yig`ilishida  
                                                                                                  ko`rildi va tasdiqlandi 
                                                                                                Bayonnoma № ______ 
                                                                                            _____ G. E. Shodmonova 
                                                                                            «___» _______ 200 __ y. 
 
 
 
 
 
Toshkent–2009  

 
2 
Mavzular ro`yxati. 
1. Kirish. Organik kimyo fani. Organik moddalar klassifikatsiyasi. 
2. A. M. Butlerovning organik moddalarning kimyoviy tuzilish nazariyasi. 
3.  Alkanlarning  gomologik  qatori  va  nomlanishi.  Metan,  uning  xossalari. 
Uglevodorod radikallari. 
4.  Uglevodorodlarning  tabiiy  manbalari.  Neft.  Alkanlarning  tibbiyotdagi 
ahamiyati. 
5. Izomeriya. Izomerlar va ularning nomlanishi. 
6. Alkenlar gomologik qatori va nomlanishi. Etilen, uning xossalari. 
7. Alkinlar gomologik qatori va nomlanishi. Atsetilen, uning xossalari. Uchlamchi 
bog`lanish xossalari. 
8. Alkadiyenlar va ularning nomenklaturasi. Tabiiy va sintetik kauchuk. 
9. Yuqori molekulyar moddalar. Monomer va polimer. Butadiyen va izopren. 
10. Aromatik uglevodorodlar va ularning klassifikatsiyasi. Benzol. 
11. Benzol gomologlarining oksidlanishi, olinishi va ishlatilishi. 
12. Kondensirlangan aromatik uglevodorodlar. Naftalin, antratsen va fenantren. 
13. Antraxinon va alizarin. 
14. Uglevodorodlarning galogenli hosilalari, izomeriyasi va nomenklaturasi. 
15. Etilxlorid, yodoform, xloroform, ftorotan, freon–12. 
16. Spirtlarning tarkibi, klassifikatsiyasi va nomlanishi. 
17.  Bir  atomli  spirtlar  gomologik  qatori.  Oddiy  va  murakkab  efirlarning  hosil 
bo`lishi. 
18. Ikki atomli spirtlar. 
19. Uch atomli spirtlar. 
20. Fenollar, ularning tarkibi va klassifikatsiyasi. 
21. Bir atomli fenollar. Krezollar. 
22. Ikki va uch atomli fenollar. 
23. Oddiy efirlar nomenklaturasi va xossalari. 
24. Peroksidlar haqida tushuncha. 
25. Aldegidlar, gomologik qatori va xossalari. 

 
3 
26. Formaldegid va atsetaldegid. 
27. Geksametilentetramin, xloralgidrat. 
28. Ketonlar, ularning nomenklaturasi va xossalari. 
29. Karbon kislotalar va ularning klassifikatsiyasi. 
30. Bir asosli karbon kislotalar va ularning gomologik qatori. 
31. Chumoli, sirka, moy, izomoy, valerian va izovalerian kislotalar. 
32. Ikki asosli karbon kislotalar. 
33. Oksalat, malon, qahrabo, glutar kislotalar. 
34. To`yinmagan ikki asosli karbon kislotalar. 
35. Bir asosli aromatik karbon kislotalar. 
36. Ikki asosli aromatik karbon kislotalar. 
37. Murakkab efirlar. 
38. Karbon kislotalarning amidlari. 
39. «Biuret reaksiyasi». 
40. Gidroksikislotalar, ularning klassifikatsiyasi va xossalari. 
41. Oksikislotalarga xos reaksiyalar. Laktidlar va laktonlar. 
42. Fenolokislotalar. 
43. Aminokislotalar. 
44. Alifatik va aromatic aminlar. 
45. Mishyakli aromatik birikmalar. 
46. Geterosiklik birikmalar. Bir geteroatomli besh a`zoli geterosiklik birikmalar. 
47. Ikki geteroatomli besh a`zoli geterosiklik birikmalar. 
48. Bir geteroatomli olti a`zoli geterosiklik birikmalar. 
49. Ikki geteroatomli olti a`zoli geterosiklik birikmalar. 
50. Kondensirlangan geterosiklik birikmalar. 
51. Uglevodlarning klassifikatsiyasi. Monosaxaridlar. 
52. Disaxaridlar. 
53. Polisaxaridlar. 
54. Oqsillar, oqsil moddalar tushunchasi. 
55. Yog`lar va moylar. 

 
4 
56. Izoprenoidlar, monosiklik terpenlar, terpenoidlar. 
57. Alkaloidlar, tabiatda uchrashi, tuzilishi, vakillari. 
58. Narkotik moddalar va ularning inson salomatligiga salbiy oqibatlari. 
59. Yakuniy nazorat ishi. 
 

 
5 
Kirish. Organik kimyo fani. Organik moddalar klassifikatsiyasi. 
Reja. 
1. Kirish. Organik kimyo fanining rivojlanish tarixi; 
2.  Organik  kimyo  fanining  rivojlanishi  uchun  katta  hissa  qo`shgan  chet  el, 
rus va o`zbek olimlarining ilmiy ishlari; 
3. Organik moddalar klassifikatsiyasi. 
 
Kirish. Organik kimyo fanining rivojlanish tarixi. 
 
Organik  kimyo  fani  organik  moddalarni  tashkil  qiluvchi  uglerod 
birikmalarining  kimyosini  o`rganuvchi  fan  bo`lib,  bu  fan,  asosan  XVIII  asrning 
oxiri va XIX asrning boshlarida shakllana boshladi. 
 
Organik  moddalar  odamzodga  juda  qadimdan  ma`lum  bo`lgan.  Qadimgi 
odamlar  organik  bo`yoqlarni  (alizarin,  purpur,  indigo),  uzum  sharbatini  bijg`itib 
sirka olishni, o`simliklardan shakar hamda moy ajratib olishni, yog`larni ishqorlar 
bilan  qaynatib  sovun  hosil  qilishni  bilganlar  va  bu  moddalardan  o`z  ehtiyojlari 
uchun  foydalanganlar.  Biroq  bu  moddalarning  ko`pchiligi  aralashmalardan  iborat 
bo`lgan.  Sof  holdagi  organik  moddalar  dastlab  arab  alkimyogarlari  tomonidan 
800–yillardan boshlab ajratib olingan. 
 
IX  asrga  kelib  arab  alkimyogarlari  sirkadan  sirka  kislotani,  musallas 
ichimligidan etil spirtini ajratib olishga muvaffaq bo`ldilar. XVI asrda etil spirtiga 
sulfat kislota bilan ishlov berish natijasida etil sulfo efir olindi. XVIII asrning oxiri 
va  XIX  asrning  boshlariga  kelib  organik  moddalarni  sof  holda  ajratib  olish  va 
ularni  o`rganish  ancha  rivojlandi.  Bu  davrda  mochevina,  vino,  olma,  limon,  gall 
kislotalari sof holda ajratib olindi. 
 
Kimyoning dastlabki rivojlanish davrida anorganik va organik moddalar bir–
biridan tafovut qilinmas edi. 1675 yilda fransuz olimi Lemeri tabiatda uchraydigan 
moddalarni ma`lum bir tartibga soldi hamda ularni uch turga bo`ldi: o`simliklardan 
olinadigan moddalar, hayvonlardan olinadigan moddalar, mineral moddalar. 
 
Keyinchalik  I.  Berselius  tomonidan  1806  yilda  o`simlik  va  hayvonlardan 
olinadigan  moddalarni  birlashtirib,  organik  moddalar  deb  atash  ilgari  surildi. 

 
6 
Kimyoning  ana  shu  organik  moddalarni  o`rganadigan  qismi  esa  organik  kimyo 
deb ataldi. 
 
Bu  davrda  kimyoda  vitalistik  (lotincha  «vita»–hayot,  «lis»–kuch)  ta`limot 
hukmron  edi.  Bu  ta`limotga  ko`ra  organik  moddalar  o`simlik  va  hayvonlar 
organizmida  qandaydir  «Hayotiy  kuch»  ta`sirida  paydo  bo`ladi,  ularni  sintetik 
usullar  bilan  olish  mumkin  emas,  deb  hisoblanar  edi.  Bu  ta`limot  organik  kimyo 
fanining  rivojlanishi  uchun  to`sqinlik  qilib  keldi.  Ammo  ko`p  vaqt  o`tmay  bu 
ta`limot  no`to`g`ri  ta`limot  ekanligi  isbotlandi.  1824  yilda  I.  Berseliusning 
shogirdi, nemis vrachi va kimyogari F. Vyoler laboratoriya sharoitida ditsian (CN)
2
 
gazidan  o`simlik  organizmida  uchraydigan  oksalat  kislotani,  1828  yilda  esa 
ammoniy  sianatdan  hayvon  organizmida  hosil  bo`ladigan  mochevinani  sintez 
qilishga  muvaffaq  bo`ldi.  F.  Vyolerning  bu  kashfiyoti  I.  Berseliusning  vitalistik 
ta`limotiga qaqshatqich zarba bo`lib tushdi. 
 
Keyinroq 1845 yilda nemis kimyogari A. V. Kolbe sirka kislota, 1854 yilda 
fransuz  kimyogari  M.  Bertlo  yog`,  1861  yilda  rus  olimi  A.  M.  Butlerov 
shakarsimon  modda  sintez  qildilar.  Bu  sintezlar  natijasida  «Hayotiy  kuch» 
haqidagi reaksion ta`limotga hal qiluvchi zarba berildi va organik kimyo fanining 
rivojlanishiga  keng  yo`l  ochildi.  1830  yilda  Yu.  Libix  tomonidan  organik 
moddalarni tahlil qilish texnikasi ham rivojlantirildi. Natijada organik birikmalarni 
tahlil qilish va o`rganish uchun imkon tug`ildi. Organik birikmalarning hammasida 
uglerod  atomi  borligi  isbotlandi  va  ular  tarkibida  ugleroddan  tashqari  vodorod, 
kislorod,  azot,  oltingugurt  va  boshqa  elementlar  atomlari  ham  mavjudligi 
aniqlandi.  
 
XIX  asrning  boshlarida  organik  kimyo  fani  organik  moddalarni  tashkil 
qiluvchi uglerod birikmalarining kimyosini o`rganuvchi fan sifatida vujudga keldi.  
Organik  kimyo  organik  moddalarning  asosiy  manbalari–toshko`mir,  neft, 
tabiiy gaz, o`rmon va qishloq xo`jaligi mahsulotlarini qayta ishlash yo`li bilan xalq 
xo`jaligi  uchun  zarur  bo`lgan  yoqilg`i,  bo`yoq,  portlovchi  modda,  dori–darmon, 
sun`iy ipak, mineral o`g`it va boshqa mahsulotlarni yetkazib beradi. Paxta tolasini 
qayta  ishlash,  sun`iy  ipak,  kapron,  neylon  va  lavsan  kabi  tolalarning  olinishi 

 
7 
to`qimachilik  sanoatining  rivojlanishi  uchun  organik  kimyoning  qo`shgan  katta 
hissasi hisoblanadi. Organik kimyo fanining taraqqiyoti, texnika va umuman ishlab 
chiqarishning rivojlanishi uchun hal qiluvchi omil bo`lib hisoblanadi. 
«Organik kimyo» fanining rivojlanishi uchun katta hissa qo`shgan  
chet el, rus va o`zbek olimlari. 
Chet el olimlaridan nemis kimyogarlari F. Vyoler, A. V. Kolbe, A. Kekule, 
A. Kuper, K. I. Tile, G. Shtaudinger, fransuz olimlari M. Bertlo, A. Vyurs, ingliz 
olimlari  M.  Faradey,  G.  Vilyams,  U.  Tilden,  Uotson,  Krik,  amerika  olimlari 
Chargaff, Todd, L. Poling va boshqalar o`zlarining olib borgan ilmiy ishlari bilan 
organik kimyo fani rivojiga katta hissa qo`shdilar. 
A. M. Butlerov (1828–1886) o`zining «Organik kimyoni to`liq o`rganishga 
kirish» deb nomlangan kitobi, 1861 yilda oddiy chumoli aldegididan shakarsimon 
moddani sintez qilishi hamda organik moddalarning kimyoviy tuzilish nazariyasini 
yaratishi bilan organik kimyo fanining rivojlanishiga ulkan hissa qo`shgan. 
Rus  olimlaridan  N.  N.  Zinin  (1812–1880)  sanoatda  nitrobenzoldan  anilin 
olish  usulini  ishlab  chiqishi,  akademik  A.  Ye.  Favorskiy  (1860–1945)  atsetilen, 
allen  va  diyen  uglevodorodlar  kimyosini  o`rganishi,  akademik  S.  V.  Lebedev 
sanoatda sintetik kauchuk olish usulini ishlab chiqishi, akademik  N. D. Zelinskiy 
(1861–1953)  to`yingan  va  to`yinmagan  siklik  birikmalar  kimyosi  va  ularni  sintez 
qilish  usullari,  V.  V.  Markovnikov  neft  tarkibidan  sikloalkanlar  ajratib  olish  va 
ularning  xossalarini  o`rganishi  bilan  organik  kimyo  fani  rivojiga  o`z  hissalarini 
qo`shdilar.  
Organik kimyo fanining rivojlanishiga O`zbekistonlik kimyogar olimlar ham 
o`zlarining katta hissalarini qo`shdilar. 
Akademik  S.  Yu.  Yunusov  (1909–1995)  rahbarligida  izoxinolin,  eritrin, 
diterpen,  xinolin,  indol,  xinozolidin,  xinazolin,  steroid,  pirolizidin,  piridin,  tropan 
va oltingugurtli alkaloidlar ustida bir qator ilmiy ishlar olib borilgan. 
S. Yu. Yunusov o`simliklarning  turli  xil a`zolariga  alkaloidlarning  dinamik 
to`planish  qonuniyatini  aniqladi.  U  o`z  shogirdlari  bilan  O`rta  Osiyoda,  ayniqsa, 
O`zbekistonda  o`sadigan  shifobaxsh  o`simliklardan  800  dan  ortiq  alkaloidlar 

 
8 
ajratib  oldi,  ulardan  500  ta  yangisining  tuzulish  formulasini  aniqladi  hamda 
O`zbekiston  alkaloidlar  kimyosini  dunyoda  yetakchi  o`ringa  olib  chiqdi.  Uning 
shogirdlari orasidan N. K. Abubakirov, X. A. Abduazimov, F. Yu. Yuldashev, Z. 
F.  Ismailov,  S.  T.  Akramov,  R.  N.  Nuriddinov,  M.  S.  Yunusov,  S.  I.  Iskandarov 
kabi taniqli kimyogar olimlar yetishib chiqdilar. 
Akademik  O. S. Sodiqov (1913–1987) dunyoga  tanilgan o`zbek kimyogar 
olimi  va  tashkilotchi  rahbari  bo`lib,  uning  ilmiy  ishlari  O`rta  Osiyoda  o`sadigan 
yovvoyi  va  madaniy  o`simliklar  hamda  tabiiy  birikmalar  kimyosini  o`rganishga 
bag`ishlangan.  Uning  shogirdlari  O`zbekiston,  Armaniston,  Mongoliya,  Polsha, 
Turkmaniston,  Vetnam  va  Qozog`iston  kabi  mamlakatlarning  taniqli  kimyogar 
olimlari hisoblanadi. O. S. Sodiqov 1966 yildan 1983 yilgacha O`zbekiston Fanlar 
Akademiyasining Prezidenti lavozimida faoliyat ko`rsatgan. 
Akademik I. T. Sukervanik (1901–1968) «Aromatik birikmalarni alkillash 
va  atsillash»  sohasi  bo`yicha  izchil  va  keng  qamrovli  tadqiqotlar  olib  borgan 
hamda  ushbu  yo`nalishda  tanilgan  organik  kimyogarlar  maktabini  yaratgan  olim 
hisoblanadi.  I.  T.  Sukervanik  spirtlar  ishtirokida  alkillash  mexanizmini  ishlab 
chiqdi, anomal alkillash sodir bo`lishini isbotladi, yangi reaksiyani amalga oshirdi 
hamda  o`z  tadqiqotlarining  natijalarini  defoliant  va  gerbitsid  preparatlari  sifatida 
qishloq xo`jaligida qo`lladi. 
Akademik A. A. Abduvahobov O`zbekistonda element organik birikmalar 
kimyosini  yaratgan  yirik  olim  bo`lib,  o`z  shogirdlari  bilan  birga  element  organik 
birikmalar  kimyosi,  nozik  organik  sintez  muammolari,  molekulyar  darajada  quyi 
molekulyar  bioregulyator  ta`siri  mexanizmining  kimyoviy  mohiyatini  aniqlash, 
fazoviy  kimyo  bo`yicha  organik  kimyo  fanining  rivojiga  katta  hissa  qo`shib 
kelmoqda. 
A. A. Abduvahobov boshchiligida O`rta Osiyoda birinchi bo`lib ferromonlar 
komponentlarining  sintez  usullari  ishlab  chiqildi.  Buning  natijasida  olingan 
moddalar  qishloq  xo`jaligida  g`o`za  o`simligini  zararli  hashoratlardan  himoya 
qilishda,  hashoratlarni  o`ziga  jalb  qiluvchi  moslamalar  yordamida  yo`qotishda, 
paxta yetishtirishda va uning hosildorligini oshirishda keng qo`llanilib kelinmoqda. 

 
9 
 
Akademik  M.  A.  Asqarov  polimerlar  kimyosi  va  texnologiyasi  sohasida 
katta  ilmiy  izlanish  va  tadqiqotlar  olib  borgan  olimdir.  Uning  ilmiy  tadqiqotlari 
aromatik  diaminlarning  alifatik  ikki  asosli  kislotalar  bilan  polikondensatlanish, 
yangi  monomerlarning  polimerlanish  reaksiyalarini  chuqur  va  har  tomonlama 
o`rganish,  tarkibida  azot,  kislorod  va  oltingugurt  tutgan  plastmassalar  olish  va 
ularning xossalarini yaxshilash sohalariga qaratilgandir. 
 
M.  A.  Asqarov  plyonka  hosil  qiluvchi  polimerlar  xossalarini  yog`  sanoati 
chiqindilaridan  olingan  stabilizatorlar  ta`sirida  yaxshilash  asosidagi  ishlarni 
polimer plyonkalar va linoleumlar ishlab chiqarishga joriy qilgan.  
 
Akademik  S.  Sh.  Rashidova  yuqori  molekulyar  birikmalar  kimyosi 
sohasidagi  katta  olima  bo`lib,  uning  ilmiy  izlanish  va  tadqiqotlari  ma`lum 
kimyoviy  tuzilishga  ega  bo`lgan  biologik  faol  polimerlar  sintezi,  ko`p  qirrali 
xossaga  ega  bo`lgan  polimerlar  asosidagi  dorilar,  o`simliklarni  himoya  qilish 
vositalarini  tanlashning  nazariy  asoslarini  ishlab  chiqish  va  ularni  amaliyotga 
qo`llash sohasiga bag`ishlangandir.  
 
Bu  tadqiqotlar  asosida  plazma  o`rnini  bosuvchi  «Kovilon»  deb  nomlangan 
dori moddasi olingan, o`simliklar o`sishini boshqaruvchi modda (benzoil chumoli 
kislotasi)  asosida  chigit,  sholi  va  qand  lavlagi  urug`larini  ekishdan  oldin 
kapsulalash  masalalari  o`rganilgan.  Fransiya,  Shvetsiya  kabi  Yevropa  davlatlari 
olimlari bilan ilmiy hamkorlik yo`lga qo`yilgan. 
Organik kimyo fani va uning ahamiyati. Organik moddalar 
klassifikatsiyasi. 
Organik  kimyo  fani.  Tarkibida  uglerod  elementi  mavjud  bo`ladigan 
birikmalar  organik  birikmalar  deyiladi.  Uglerodning  nihoyatda  ko`p  tabiiy  va 
sintetik  birikmalari  organik  birikmalar  sinfiga  kiritiladi  hamda  ularni  organik 
kimyo  fani  o`rganadi.  Organik  birikmalar  tarkibida  uglerod,  vodorod,  kislorod, 
azot, oltingugurt, fosfor, galogenlar va ayrim metallar mavjud bo`ladi. 
Organik kimyo fani–uglerod birikmalari, ularning tuzilishi, olinish usullari, 
xossalari va amalda foydalanish imkoniyatlarini o`rganadi. 

 
10 
Anorganik  birikmalardan  farqli  ravishda  organik  birikmalarning  bir  qator 
o`ziga xos xususiyatlari mavjud bo`ladi. Masalan:  
1)  Uglerod  atomlari  bir–biri  bilan  birikib,  zanjir  va  halqa  hosil  qiladi,  bu 
xususiyat anorganik birikmalarga unchalik hos emas. 
2)  Organik  modda  molekulalarida  atomlar  orasidagi  bog`lanish  kovalent 
bo`ladi,  shuning  uchun  ular  noelektrolitlar  hisoblanadi.  Molekulasida  oddiy 
(birlamchi) C–C va C–H bog`lanishlar bor organik moddalar bir–birlari bilan juda 
qiyin reaksiyaga kirishadi yoki umuman reaksiyaga kirishmaydi. 
3) Organik moddalar 400–600 
0
C haroratda qizdirilganda to`liq parchalanadi 
yoki  ko`mirga  aylanadi,  kislorod  ishtirokida  esa  yonadi.  Bunga  sabab  uglerod 
atomlari  orasidagi  bog`lanishning  puxtaligi  unchalik  katta  emasligidir  (355,6 
kJ/mol). 
4)  Organik  birikmalarning  o`ziga  xos  muhim  xususiyati  ular  orasida 
izomeriya hodisasining keng tarqalganligidir. 
5)  Organik  kimyoda,  odatda,  tuzilish  formulalaridan  foydalaniladi,  chunki 
atomlar  molekulada  fazoviy  joylashgan  holda  bo`ladi.  Tuzilish  (struktura) 
formulalari  bu  organik  kimyoning  tilidir.  Tuzilish  formulalarida  kovalent 
bog`lanish chiziqcha (shtrix) bilan belgilanadi. Shu bilan birga empirik va elektron 
formulalardan ham foydalaniladi. 
6)  Organik  kimyoda  oksidlanish  darajasi  tushunchasi  o`rniga  valentlik 
tushunchasi  qo`llaniladi.  Uglerod  atomining  qo`zg`algan  holatdagi  valentligi 
doimo to`rtga teng, shuning uchun u to`rtta kovalent bog`lanish hosil qiladi. 
Organik  birikmalarning  gomologik  qatorlari.  Turli–tuman  organik 
birikmalar  orasidan  moddalarning  kimyoviy  xossalari  jihatidan  o`xshash  va  bir–
biridan CH
2
= metilen guruhiga farq qiladigan guruhlarni ajratish mumkin. 
Kimyoviy  xossalari  jihatidan  o`xshash,  tarkibi  bir–biridan  CH
2
=  metilen 
guruhiga  farq  qiladigan  birikmalar  gomologlar  deyiladi.  Nisbiy  molekulyar 
og`irliklari  ortib  borishi  tartibida  joylashtirilgan  gomologlar  gomologik  qatorni 
hosil qiladi. CH
2
= metilen guruhi gomologik farq deyiladi. 

 
11 
Organik  birikmalarning  klassifikatsiyasi.  Barcha  organik  birikmalarni 
uglerod  atomi  skeletining  tabiatiga  qarab  ikki  sinfga  ajratish  mumkin:  atsiklik  va 
siklik birikmalar. 
Atsiklik (nosiklik, zanjir ko`rinishidagi) birikmalar yog` qatori yoki alifatik 
birikmalr  ham  deyiladi.  Bunday  nom  berilishiga  sabab  shuki,  bu  turdagi 
birikmalarning  dastlabki  vakillari  tabiiy  yog`lar  edi.  Atsiklik  birikmalar 
molekulasining tuzilishiga qarab to`yingan va to`yinmagan birikmalarga bo`linadi. 
CH
3
–CH
2
–CH
3
               CH
2
=CH
2
               CH
3
–C≡C–CH
3 
                         propan                          etilen                         butin–2  
Siklik  (halqa  ko`rinishidagi)  birikmalar  orasida,  odatda,  molekulasida 
uglerod  atomlari  halqa  hosil  qilgan  karbosiklik  birikmalar  va  halqasida  uglerod 
atomlaridan  tashqari  boshqa  elementlarning  (kislorod,  oltingugurt,  azot)  atomlari 
ham bo`lgan geterosiklik birikmalar ham bo`ladi. 
Karbosiklik  birikmalar–halqasida  faqat  uglerod  atomlari  mavjud  bo`lgan 
organik birikmalardir. Masalan: 
                         
CH
3
                         
 
                     benzol                          toluol                              naftalin 
Geterosiklik  birikmalar–halqasida  uglerod  atomlaridan  tashqari  boshqa 
element  atomlari  (kislorod,  azot,  oltingugurt)  ham  mavjud  bo`lgan  organik 
birikmalardir. Masalan: 
HC
CH
CH
HC
O
                         
HC
CH
CH
HC
S
                         
HC
CH
CH
HC
NH
 
                furan                                     tiofen                                     pirrol 
Bulardan  tashqari,  organik  birikmalarni  ularning  tarkibidagi  element 
atomlari  bo`yicha  ham  sinflarga  ajratish  mumkin:  masalan,  uglevodorodlar, 
kislorodli organik birikmalar, azotli organik birikmalar. 

 
12 
 
Uglevodorodlar  deb  faqat  uglerod  va  vodoroddan  tarkib  topgan 
birikmalarga  aytiladi.  Ularga  alkanlar,  sikloalkanlar,  alkenlar,  alkinlar, 
alkadiyenlar, arenlar misol bo`ladi. 
 
Kislorodli organik  birikmalar  deb tarkibida uglerod, vodorod va kislorod 
atomlari  mavjud  bo`lgan  organik  birikmalarga  aytiladi.  Ularga  spirtlar,  fenollar, 
aldegidlar,  ketonlar,  oddiy  va  murakkab  efirlar,  karbon  kislotalar,  uglevodlar, 
yog`lar va moylar kiradi. 
Azotli organik birikmalar deb tarkibida uglerod, vodorod, kislorod va azot 
atomlari  mavjud  bo`lgan  organik  birikmalarga  aytiladi.  Ularga  karbon  kislotalar 
amidlari,  nitrobirikmalar,  aminlar,  aminokislotalar,  oqsillar,  nuklein  kislotalar 
misol bo`ladi.  
Organik  reaksiyalarning  turlari.  Anorganik  reaksiyalar  kabi  organik 
reaksiyalar ham sinflarga ajratiladi. Organik reaksiyalar 3 katta turga bo`linadi: 
1. O`rin olish reaksiyalari, masalan: 
CH
4
 + Cl
2
 → CH
3
Cl + HCl 
2. Ajralib chiqish reaksiyalari, masalan:  
CH
3
−CH
2
Br → CH
2
═CH
2
 + HBr 
3. Biriktirib olish reaksiyalari, masalan: 
CH
2
═CH
2
 + HCl → CH
3
−CH
2
Cl 
 
Organik  reaksiyalarni  reaksiyaga  kirishayotgan  molekulalardagi  kovalent 
bog`lanishlarning  uzilish  mexanizmiga  qarab  ham  sinflarga  ajratish  mumkin. 
Bunday ajratish bog`lanishni uzishning ikki usuliga asoslanadi: 
1. Agar umumiy elektronlar juft atomlar orasida bo`linsa, u holda radikallar–
juftlashmagan elektroni bor zarralar paydo bo`ladi. Bog`lanishning bunday uzilishi