О‘zbekiston respublikasi oliy va о‘rta maxsus ta’lim vazirligi о‘rta maxsus, kasb-hunar ta’limi markazi surxondaryo viloyati hokimligining о‘rta maxsus

Germaniya Demokratik Respublikasi. 1949-yil 7-oktabrda GDR tashkil etilib, V. Pik — Prezident, O. Grotevol —Bosh vazir etib saylandi. Ular GBSP vakillari edilar. 1953-yilda mamlakatda mavjud tuzumga qarshi isyon ko'tarildi va Sovet qo'shinlari yordamida bostirildi. 1960-yil sentabrda, V. Pik vafotidan keyin, prezidentlik tugatilib, uning o'rniga Davlat Soveti tuzildi va unga rais qilib GBSP rahbari V. Ulbrixt saylandi. Otto Grotevol 1964-yilgacha, ya'ni vafotiga qadar Bosh vazir lavozimida ishladi.
V. Ulbrixt 1971-yilgacha partiya va davlat rahbari bo'lib turdi hamda keksayib, sog'lig'i yomonlashgach, o'z lavozimini E. Xonekkerga topshirdi. Iqtisodda davlat sektori hukmron bo'lib qoldi. Zarariga ishlagan korxonalar ishini boshqa korxonalar hisobiga ushlab turish kuchaydi. Lekin GDR iqtisodiyoti boshqa sotsialistik davlatlarga nisbatan yangi texnologiya bilan ta'minlangan edi. Ishlab chiqarish kombinatlari yalpi mahsulotning 94 foizini berardi. Tashqi savdoning 40 foizi SSSR hisobiga to'g'ri kelardi.
Ammo GFR bilan solishtirganda, ishlab chiqarishda mehnat unumdorligi 1/3 qismni tashkil qilardi. Bor-yo'g'i korxonalar 32 foiz foyda bilan ishlardi. Aholi turmush darajasi GFRga qaraganda 3 baravar past edi. GFRdagi ahvol GDR xalqini o'ziga rom qildi. Avvalgi paragrafda ta'kidlanganidek, 1989-yilning o'zida 400 ming kishi GFRga ko'chib ketdi. Ommaviy norozilik kuchaydi. 1989-yil 18-oktabrda E. Xonekker barcha lavozimlardan ozod etildi. 9-noyabrda Berlin devori buzib tashlandi. 1990-yil 3-oktabrda ikkala Germaniya birlashdi.
Savol va topshiriqlar:
1.Kommunistik partiyalar qanday hokimiyat tepasiga keldi?
2. GDR qanday tashkil topdi?
3. Varshava shartnomasi qachon tashkil etildi?
4. Berlin devoir qachon buzib tashlandi?
B/B/B jadvali

Bilaman