O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi

Portlashdan saqlanish uchun nima qilish kerak? 
Uy ichi va uy atrofida: uy, uy atrofi va hovlini har xil o‘simliklar, chiqindi 
uyumlari va keraksiz buyumlar yig‘indisidan tozalanish kerak. Uylar eshigi oldida va 
yo‘laklarda hech qanday vaqtinchalik garaj, omborxonalar va shunga o‘xshash 
qurilmalar bo‘lishi tavsiya etilmaydi. Ko‘p qavatli uylarga, ular atrofiga va uyingizga 
keladigan notanish kishilarga e’tiborsiz bo‘lmang, ular qoldirib ketgan buyumga 
e’tiborsizlik qilmang, chunki ular qoldirib ketgan buyum qo‘lbola portlovchi qurilma 
(modda) bo‘lishi mumkin. Ko‘p qavatli uylar tomiga chiqadigan va yerto‘lasiga 
tushadigan eshiklar yaxshilab berkitilgan va qulflangan bo‘lishi shart. 
Avtoulovda:
agar siz o‘zingizning avtoulovingizga portlovchi qurilma (modda) 
qo‘yib ketilshidan xavotirlansangiz, avtoulovingizga o‘g‘irlanishga qarshi 
ishlaydigan signalizatsiya o‘rnating yoki avtoulovni qarovsiz qoldirmang. Xizmatga, 
ishxonaga, bozor yoki do‘konlarga borganingizda avtoulovingizni garaj yoki 
qo‘riqlanadigan avtoulov maydonchasiga qo‘ying. Har safar avtoulovingiz yoniga 
kelganingizda uning tashqi va ichki qismini tashqaridan turib ko‘zdan kechirib 
chiqing.
Idorada:
agarda sizning idorangizga keluvchi mehmonlar ko‘p bo‘lsa, siz 
o‘zingizga qorovul olib, ularni metallodedektor yoki portlovchi moddalarni 

---

95 
aniqlaydigan detektor bilan ta’minlang, shunda oldingizga kelgan mehmonlar 
orasidagi 
notanishlarni 
aniqlab 
olishingiz 
mumkin. 
O‘zingiz tanimagan 
mehmonlardan biri sizga qoldirib ketgan shubhali sovg‘alarga ham e’tibor bering, 
ular qo‘lbola portlovchi qurilma (modda) bo‘lishi mumkin. Siz yoki qorovullaringiz 
tomonidan shubhali predmet aniqlansa, zudlik bilan shaxsiy tarkib (xizmatchilar)ni 
xavfsiz joyga ko‘chiring va yaqiningizda militsiya bo‘linmasiga xabar bering.