O‘zbekiston respublikasi oliy va o‘rta maxsus ta’lim vazirligi o‘rta maxsus kasb-hunar ta’limi markazi

Botanik va zoologik kuzatishlar
Sayohat jarayonida joylarning o‘simlik dunyosini o‘rganish 
yoki o‘simlikni izlash uchun botanik kuzatishlar olib boriladi. 
Bunday paytlarda tegishli o‘simliklardan gerbariy yasaladi, ular 
turlarga ajratilib, nomlari aniqlanadi.
O‘simliklarni terish oldidan mahalliy kishilar bilan 
maslhatlashish, uning rangi, bargi, bo‘yi, tuzilishi va boshqa 
xususiyatlarini aniqlash, shuningdek, ularni quritish, joylashtirish 
qoidalarini ham bilish talab etiladi.
Ayrim o‘simlik va gullarni o‘z holicha yig‘ish florizm deyi­
ladi. Rassomlar tasviriy san’at ishlarida bu gullarning tuzili shi, 
rangi umumiy formalaridan foydalanadilar.
Sayohat paytida zoologik kuzatishlar asosan hasharotlarning 
turlarini belgilash va ularni yig‘ishdan iborat. Hasharotlar 
zararli va foydalilarga ajratib o‘rganiladi. Hasharotlarni yig‘ib, 
uni saqlash juda oson. Buning uchun maxsus banka yoki 
shishalardan foydalaniladi. Hasharotni tergan joyning nomi, 
maydon kengligi va ularning miqdorini maxsus daftarchaga qayd 
etish lozim. Hasharotlarni izlash unchalik murakkab emas, oddiy 
durbinlarni ishlatish kifoya.

---

114