O‘zbekiston respublikasi oliy va o‘rta maxsus ta’lim vazirligi oliy ta’lim tizimi pedagog va rahbar kadrlarini qayta tayyorlash va ularning malakasini oshirishni tashkil etish bosh ilmiy metodik markazi

Mavzuga oid keys topshiriqlarini bajarish.

Keys bayoni. Ta’lim tizimida “novatsiya” va “innovatsiya” tushunchalari qo‘llaniladi. Har ikki tushuncha turli holatlarni ifodalaydi. Buning natijasida ular o‘rtasidagi farqlarni aniq ko‘rish mumkin bo‘ladi.

Keys topshirig‘i: Novatsiya va innovatsiya o‘rtasidagi farqlarni toping.

Keys topshirig‘ini bajarish uchun ish qog‘ozi:

Asosiy farqlar
Novatsiya	Innovatsiya

O‘qituvchining javobi:

Asosiy farqlar
Novatsiya	Innovatsiya
amaldagi nazariya doirasida qo‘llaniladi; ko‘lam va vaqt bo‘yicha chegaralanadi; 3) metodlar yangilanadi; 4) natija avvalgi tizimni takomillashtiradi	tizimli, yaxlit va davomli bo‘ladi; amaliyotda yangi faoliyat tizimini loyihalaydi; sub’ektlarning faoliyati to‘la yangilanadi; yangi texnologiyalar yaratiladi; faoliyatda yangi sifat natijalariga erishiladi; amaliyotning o‘zi ham yangilanadi

Keys bayoni. Zamonaviy Evropada yagona kasbiy ta’lim makonini yaratish zamonaviy o‘qitishning eng muhim talabi deya e’tirof etildi. Ana shu maqsadda Bolonya jarayoni tashkil etili. Bu jarayon yagona Evropa oliy ta’limi makonini yaratish maqsadida Evropa mamlakatlari oliy ta’lim tizimining bir-biriga yaqinlashishi va o‘zaro uyg‘unlashuvini ta’minlovchi jarayon sanaladi. 1999 yilning 19 iyunida Evropaning 29 mamlakati vakillari ishtirokida Bolonya deklaratsiyasi imzolandi. Unga ko‘ra keng ko‘lamda talabalar almashinuvini qo‘llab-quvvatlash uchun Evropa sinov birliklari (kredit) tizimi (ESBT) joriy etildi.

“Kredit” atamasi (ESTS-credit) – “sinovdan o‘tdi” ma’nosini anglatib, talabaning o‘quv yurtida ma’lum bir kurs (modul)ni muvaffaqiyatli yakunlaganligi to‘g‘risida ma’lumot beradi.

Keys savoli: kredit (sinov birligi) nima anglatadi: ma’lum o‘quv fani (moduli)ni o‘zlashtirish va sinovlarni birinchi, ikkinchi yoki uchinchi urinishda topshirish mumkinliginimi yoki ma’lum o‘quv fanini talabaga yuklatiladigan yuklanma hajmi (mehnat sarfi)dan kelib chiqqan holda modul (blok – qism) holda o‘zlashtirish va har bir modul (qism) o‘zlashtirilgandan so‘ng sinovdan o‘tish zarurliginimi?