O’zbekiston respublikasi oliy va o`rta maxsus ta’lim vazirligi nizomiy nomidagi toshkent davlat pedagogika universiteti boshlang’ich ta’lim fakulteti boshlang’ich ta’lim pedagogikasi kafedrasi boshlang’ich ta’limda pedagogik diagnostika

4-5-sinflar
Vatanparvarlik: jonajon o’lkani bilish, O’z Vatanining o’tmishi va hozirgi hayotiga qiziqish bilan qarash, ijtimoiy-foydali mehnatda faol ishtirok etish, tabiatga mehr qo’yish va uni asrab-avaylash
O’rtoqlik: jamoada hamisha o’rtoqlari bilan birga bo’lishga intilish, o’rtog’idan ta’magir bo’lmasdan yordam berishga tayyor turish, jamoa vakillariga bo’ysunish, o’g’il bolalar va qiz bolalar o’rtasida o’rtoqlik munosabatlarini o’rnatish; o’z sinfining sha’niga dog’ tushirmaslikka intilish.
Kattalarga hurmat: xushmuomalilik, aytilgan ishni bajarish, kattalarga zarur bo’lgan yordamni ko’rsatishga tashabbuskor bo’lish.
Saxiylik: mehribonlik, kichkintoylarga g’amxo’r bo’lish; hamma narsani o’rtoqlari bilan baham ko’rishga tayyor bo’lishlik, jonivorlarga mehr–shavqatli bo’lish.
Halollik: samimiylik, rostgo’ylik, o’zgalarning narsasini ularning ruxsatisiz olmaslikni odat qilish; ayb ish qilganda ixtiyoriy tan olish; bergan va’dalarini bajarishga o’rganish.
Mehnatsevarlik: sidqidildan o’qish; doimo foydali ishlar bilan band bo’lish, uyda va maktabda o’z-o’ziga xizmat ko’rsatishga odatlanish; uy-ro’zg’or ishlari yuzasidan o’ziga yuklatilgan yumushlarni sidqidildan bajarish; jamoaviy ravishda o’z-o’ziga xizmat ko’rsatiladigan ishlarda, ijtimoiy-foydali mehnatda faol ishtirok etish; turli mehnat malakalarini egallab olishga astoydil intilish.
Tejamkorlik: o’zini tashqi ko’rinishini ozoda tutish; o’z shaxsiy buyumlarini tartibli saqlash; jamoat mulkini ehtiyot qilish, buyumlarni buzib-yorib ishdan chiqarish omillariga murosasiz bo’lish.
Intizomlilik: o’quv mashg’ulotlariga muntazam qatnashish; o’quvchilar uchun belgilangan qoidalarga har kuni va hamma joyda rioya qilish; katta kishilarning topshiriqlarini tez va aniq bajarish; sinf jamoasini talablarini bajarish.
Mustaqillik; mustaqil mehnat qilish malakalari va xulq-atvorning mavjud ekanligi; o’zgalarning yordamisiz o’z ishini o’zi bajarishga intilish; turli masalalar bo’yicha o’z shaxsiy fikrining mavjudligi: mashg’ulot va o’yinlar o’tkazish vaqtida tashabbus ko’rsatish.
Qiziquvchanlik: darslardan yaxshi o’zlashtirish, noma’lum va yangi narsalarga qiziqish bilan qarash, mutoalani sevish, to’garak mashg’ulotlarida shug’ullanish.
Go’zallikni sevish: ozoda tashqi ko’rinishga ega bo’lish; adabiyotga, rasm chizish, musiqa darslariga qiziqish bilan qatnashish, san’at va adabiyotning mashhur arboblarini, ularning asarlarini bilish; badiiy havaskorlik to’garaklarida aktiv ishtirok etish; san’at bo’yicha o’tkaziladigan mashg’ulotlarga qiziqish bilan qatnashish; tevarak-atrofdagi hayotda mavjud bo’lgan go’zallikni his qila olish qobiliyati, har bir ishni chiroyli bajarishga intilish.
Kuchli, chaqqon, chiniqqan kishi bo’lishga intilish; kun tartibi va shaxsiy gigiyena qoidalariga amal qilish, ertalabki badantarbiya mashqlarini bajarish; jismoniy tarbiya mashg’ulotlariga qiziqish bilan qatnashish; sport o’yinlarida faol ishtirok etish.