O’zbekiston respublikasi oliy va o`rta maxsus ta’lim vazirligi nizomiy nomidagi toshkent davlat pedagogika universiteti boshlang’ich ta’lim fakulteti boshlang’ich ta’lim pedagogikasi kafedrasi boshlang’ich ta’limda pedagogik diagnostika

6-8-sinflar
Vatanparvarlik: O’z Vatanining o’tmishi va mamlakatda sodir bo’layotgan hozirgi eng muhim voqea-hodisalarni bilish, o’z ona Vatani bilan, uning buyuk kishilari bilan faxrlanish tuyg’usi; umum foydasi uchun qilinadigan mehnatda ko’ngilli ravishda ishtirok etish; tabiatga mehr qo’yish va uni asrab-avaylash; jamiyat mulkini ehtiyotlash.
Jamoaviylik: o’z sinfida amalga oshirilayotgan barcha ishlarda faol ishtirok etish; o’z o’rtoqlariga beg’araz yordam ko’rsatishni odat qilish; jamoa qaror qabul qilgan qarorlarni bajarish; o’rtoqlariga talabchan bo’lish; shaxsiy va ijtimoiy manfaatlarni birga qo’shib ado etish; o’g’il va qiz bolalar o’rtasida o’rtoqlarcha munosabat o’rnatish.
Insoniylik: tevarak-atrofdagi barcha kishilarga xolisona munosabatda bo’lish; kattalarni hurmat qilish; yordamga muhtoj bo’lgan kishilarga ko’maklashish; mehribon bo’lish, barcha jonli mavjudotlarga mehr-shavqatli bo’lish va ularga g’amxo’rlik qilish.
Halollik: samimiylik, va’daga vafoli bo’lish, o’zgalarning buyumlarini ularning ruxsatisiz olmaslikni odat qilish, yolg’onchilik, aldoqchilik, o’g’irlikka murosasiz bo’lish.
Mehnatga sidqidildan munosabat: vijdonan o’qish; doimiy ravishda foydali ishlar bilan mashg’ul bo’lish; hech bir ishdan hazar qilmaslik, bajarilgan ish natijalarining yuksak darajada sifatli bo’lishiga erishish; uy-ro’zg’or ishlariga muntazam yordam berish; kelajakda biror hunar egasi bo’lish uchun kasb tanlashga intilish.
Intizomlilik: o’quvchilar qoidalariga har kuni va hamma joyda rioya qilish; katta kishilarning topshiriqlarini tez va aniq bajarish; sinf jamoasini talablarini bajarish, jamoada yuksak intizom bo’lishi uchun kurashish.
Faollik: darslarda javob berishga, boshqalarning javoblarini to’ldirishga intilish, sinf va maktabning jamoat hayotida ko’ngilli ravishda ishtirok etish; tashabbuskorlik ko’rsatish; kamchiliklarga(o’tmish sarqitlariga ) murosasiz bo’lish.
Jasurlik: qo’rquv hissini yenga olish qobiliyati; hayoti uchun xavfli sharoitda o’zgalarga yordam berishga tayyor turish; o’z o’rtoqlarining kamchiliklarini oshkoro tanqid qilish; o’z shaxsiy fikrini himoya qilishga tayyor turish; qat’iyat, adolatsizlikka murosasiz bo’lish.
Irodali bo’lish: biror ishni bajarish uchun xoxish bo’lmaganda ham o’z-o’zini ishlashga majbur qila olish qobiliyati, boshlagan ishni oxirigacha yetkazib bajarish odati; o’z oldiga qo’ygan maqsadga erishishda qat’iyatli bo’lish; qiyinchiliklarni yengib o’tishga bo’lgan intilish va qobiliyat; o’z-o’zini tarbiya qilish sohasida sezilarli yutuqlarga erishish;
O’z-o’zini tanqid qilish: o’rtoqlarining tanqidlariga quloq solish; o’z xatolarini tan ola bilish qobiliyati; o’z mehnati natijalariga tanqidiy munosabatda bo’lish; mavjud kamchiliklardan qutulishga intilish.
Kamtarlik: tevarak-atrofdagi kishilar orasida (tashqi ko’rinishi va xulq-atvori bilan) ko’zga tashlanib turishga harakat qilmaslik: maqtanchoq bo’lmaslikni odat qilish; bosiq bo’lish, oddiylik.
Qiziquvchanlik: darslardan yaxshi o’zlashtirish; turli adabiyotlarni, vaqtli matbuotni muntazam o’qib boorish; lug’atlardan va adabiyotlardan foydalanishni odat qilish; to’garak mashg’ulotlariga qatnashish.
Estetik kamolot: ozoda tashqi ko’rinishga ega bo’lish; adabiyot, rasm, ashula darslariga qiziqish bilan qatnashish; teatrlarga, ko’rgazmalarga, konsertlarga va shu singari tomoshaxonalarga muntazam borib turish; adabiyot va san’at sohasidagi mashhur asarlarni bilish va tushunish; badiiy havaskorlik to’garaklarida, va hokozolarda ishtirok etish; har bir ishni chiroyli bajarishga harakat qilish.
Kuchli, chaqqon, chiniqqan kishi bo’lishga intilish; xushbichim bo’lish; ertalabki badantarbiya mashqlarini bajarish; sport o’yinlarida, musobaqalarda, poxodlarda va hokozolarda ishtirok etish, sportning biror turi bilan muntazam shug’ullanish.