O’zbekiston respublikasi oliy va o`rta maxsus ta’lim vazirligi nizomiy nomidagi toshkent davlat pedagogika universiteti boshlang’ich ta’lim fakulteti boshlang’ich ta’lim pedagogikasi kafedrasi boshlang’ich ta’limda pedagogik diagnostika

O'lchovli baholashda o'quvchi-talaba boshqalar bilan o'zini solishtirish asosida undagi muvaffaqiyatlar yanada shaxsiy o'sishiga ijobiy ta’sir ko'rsatadi. Bunday holat o‘quvchi(talaba)ning yanada intilishi, qiziqishlariga sabab bo'ladi. U endi o'zini-o'zi rivojlantinsh sari yetaklaydi. Mustaqil izlanish, mustaqil mutolaa qilishga intiladi. Bunday hollarda o'quvchi-talabaning o'ziga, o'z kuchiga ishonishi ortadi.
Demak, o'quvchi-talaba o'z kuchiga ishondimi, u mantiqiy erkin fikrlashga, o'zini anglashga kirishadi. - bu pedagogik diagnostikaning oliy maqsadidir.
Pedagogik diagnostikaning uchinchi funksiyasi boshqaruv funksiyasi bo'lib, u o'quvchi-talabalar jamoasi va ular shaxsining nvojlanishini hamda tarbiya topganligini boshqarishdir. Bunday boshqaruv uch etapda olib boriladi.
-boshlang‘ich,
- korreksiyalovchi (joriy),
- umumlashtirilgan (yakuniy).
Boshlang‘ich diagnostika sinf jamoasining ishini rejalashtirish va boshqarishdir. Tarbiyaviy vazifalarni rejalashtirishdan avval hafta, chorak, yarim yillik, butun o‘quv yili davomida o‘qituvchi o‘quvchi-talabaning tarbiyalanganlik darajasini o‘rganib boradi. O‘quvchi-talabalardagi ijobiy, salbiy holatlarning o‘zgarish dinamikasini kundalik kuzatuv asosida qayd etib boradi. Shu o‘zgarishlarga asosan o‘zining rejalarini korrektirovka etib boradi. Olingan axborotlar asosida tezda, o‘z vaqtida ish uslubiga tuzatishlar kiritadi. Ular asosida o‘quvchi-talabalarning intizomi, o‘quv jarayoniga mas’uliyati, faolligi, mustaqil fikrlashini, mustaqilligini, sinf faoliyatiga ijodiy yondoshishini nazorat eta oladi.
Pedagogik diagnostika jarayonida pedagog faoliyatining prinsiplari.
Diagnostik faoliyat va munosabatlarda real insonlar ishtirok etadi. Ular orasidagi etnik munosabatlar ma’naviy qadriyatlar asosida kechadi. Shu munosabat bilan avtorlar, pedagoglar diagnostikani olib borish va o‘tkazishda bir qator etnik prinsiplarga rioya qilishlari ko‘zda tutiladi. Quyida rioya qilinishi zarur bo’lgan prinsiplar haqida fikr yuritamiz.