O‟zbekiston respublikasi oliy va o‟rta maxsus ta‟lim vazirligi nizomiy nomidagi toshkent davlat pedagogika universiteti zoologiya va anatomiya kafedrasi

So‟ ruvchi infuzoriyalar (Suctoria)  sinfi 
So‘ruvchi infuzoriyalar o‘troq yashovchi o‘nlab yirtqich turlardan iborat. Ular yakka yoki 
koloniya  bo‘lib  yashaydi.  Biron  substratga  maxsus  poyacha  orqali  yopishib  oladi.  Bir  qancha 
infuzoriyalar  substratga  poyachasiz  yopishib  yashaydi.  So‘ruvchi  infuzoriyalarning  yetuk 
davrida  hech  qanday  kiprikli  apparati,  og‘zi,  halqumi  bo‘lmaydi.  Deyarli  hamma  turlarida 
o‘ljasini  so‘rish  uchun  xizmat  qiladigan  maxsus  paypaslagich  o‘  simtalarning  bo‘lishi 
xarakterlidir (25-rasm). Ularning o‘ljasi boshqa infuzoriyalar bo‘ladi. Yaqindan suzib o‘tayotgan 
hayvonlar (xivchinlilar yoki boshqa infuzoriyalar) yirtqichning paypaslagichiga tegib ketsa, ular 
paypaslagichga  yopishib  qoladi.  Shundan  so‘ng  boshqa  paypaslagichlar  ham  o‘lja  tomonga 
egiladi.  O‘lja  tanasidagi  suyuqlik  paypaslagichlar  nayi  orqali  yirtqich  tanasiga  oqib  o‘tadi, 
o‘ljadan faqat pellikula qobiq qoladi. 
Voyaga  yetgan  infuzoriyalarning  yadrosi  ham  ikki  xil  bo‘ladi.  Jinsiy  ko‘payishi 
qonyugatsiya tipida sodir bo‘ladi. Ko‘payish davrida infuzoriyalarning kipriklari paydo bo‘ladi. 
Yuqorida ko‘rsatilgan belgilar ularning infuzoriyalar tipiga mansub ekanligini isbotlaydi.