O‘zbekiston Respublikasi Oliy va o‘rta maxsus ta’lim vazirligi Navoiy viloyat kasb-hunar ta’lim xududiy boshqarmasi Navoiy tibbiyot kolleji

Xamshira parvarishi.Asfiksiyada parvarishlash chaqaloqlar reanimatsiyasini ma’lum bir qismi xisoblanib, bunda asosan muolajalarni extiyotkorlik bilan bajarish talab qilinadi. SHu narsa axamiyatga egaki bunda xamshira muolajalarni bajarar ekan davolash yo‘lini yozib boradi va shifokor bilan ma’lumotlarni almashib turadi. Parvarish asosiga chaqloqni kuzatish, tana xarorati o‘lchab turish, ovqatlantirish va infeksiyalarni profilaktikasi kiradi.

Tug‘ruq jaroxatlariTa’rif:Tug‘ruq jaroxatlari bu tug‘ruq vaqtidagi xomila a’zolari va to‘qimalarini shikastlanishi, gipoksiyasi.Nerv sistemasi tug‘ruq jaroxatlari, yumshoq to‘qima, suyak va ichki a’zolar tug‘ruq jaroxatlari farqlanadi.

Sabablari va klinik belgilari:

1. 
   Tug‘ruq shishi- bu fiziologik xolat bo‘lib, bunda shu erdagi xomila yumshoq to‘qimalarida qon aylanishining buzilishi va shishi kuzatiladi. Bola tug‘ilgandan 2 – 3 kun keyin shish xech qanday davosiz so‘rilib ketadi.
   
2. 
   Kefalogematoma - bu suyak osti pardasiga qon quyilish bo‘lib, bunda ko‘proq bosh suyaklarining tepa soxasiga kamroq ensa peshona va chakka suyaklari qismida joylaxsadi. Davolash qon to‘xtatishga va qon tomirlar devorini mustaxkamlashga qaratilgan. 10 kundan ortiq cho‘zilgan kefalogematomalarda suyaklarni so‘rilishi va nekrozni oldini olish maqsadida xirurgik davo o‘tkaziladi.
   
3. 
   Kalla ichiga qon quyilishi - tug‘ruq jaroxatlari ichida eng asosiysi xisoblanadi. Bunda asosan subdural qon quyilishlari kuzatilib, u subaraxnoidal va qorinchalar ichi qon quyilishi bilan davom etadi.
   

Sabablari:

Sabab bo‘luvchi faktorga bu onaning kasalliklari va xomiladorlar toksikozi kiradi, bunda ona va xomilada gipoksiya rivojlanadi. Tashqi faktorlarga jarroxlik aralashuvining qo‘llanilish, cho‘zilgan tug‘ruqlar va tor chanoqda qisqichlar qo‘llanishi va asfiksiya natijasida ikkilamchi asoratlarni paydo bo‘lishi kiradi.