O’zbekiston respublikasi oliy va o’rta maxsus ta’lim vazirligi namangan davlat universiteti udk magistratura bo’limi boshlang’ich ta’lim metodikasi kafedrasi

3.2. Tajriba-sinov ishlari natijalari va statistik tahlili

Boshlang’ich sinf “O’qish” darslarini innovatsion yondashuv asosida tashkillashtirishning tajriba-sinov natijalari mazkur maqsad uchun tanlab olingan ta’lim muassasalarini jalb etish orqali amalga oshirildi.

Tadqiqoq ishi doirasida o’quvchilarga bilim berish jarayoni bilan hamkorlikda ularning bilimlarini nazorat qilib borish tizimi ham tajribadan o’tkazildi. Uning asosida o’quvchilar bilim va ko’nikmalarini baholash tizimi ishlab chiqildi. Tadqiqot ishida o’quvchilarning mustaqil va ifodali o’qish ko’nikmalari, dunyoqarashi, innovatsion faolligini shakllantirishning pedagogik natijalari bir necha darajalar (yuqori, o’rta, quyi)ga ajratildi. Mazkur tizim “O’qish” darslarini innovatsion yondashuv asosida tashkil etishda, o’quvchilar tomonidan egallangan bilim, ko’nikmalar, innovatsion faollikning daraja va mezonlarini belgilash imkoniyatini yaratdi (3.2.1-jadvalga qarang).
3.2.1-jadval
Innovatsion yondashuvga asoslangan darslarda o’quvchilarning innovatsion faollik daraja va mezonlari

Innovatsion faollikning shakllanganlik darajasi	O’quvchilarda innovatsion faollikning shakllanganlik mezonlari
yuqori daraja	O’quvchilar innovatsiya va innovatsion faollik tushunchalari haqida yetarlicha bilimlarga ega va innovatsion yondashuvli darslarda o’zini to’liq namoyon eta oladi. Darsda foydalanilayotgan xilma-xil metod, didaktik o’yin texnologiya u uchun doimo qiziq va qobiliyatlarini rivojlantirishga xizmat qiladi. Innovatsion faollik shakllangan.
o’rta daraja	O’quvchilar innovatsiya va innovatsion faollik tushunchalari haqida biroz bilimlarga ega va innovatsion yondashuvli darslar u uchun qiziq. Darsda foydalanilayotgan xilma-xil metod, didaktik o’yin texnologiya ba’zan unga qiyinchiliklarni yuzaga chiqaradi. Faol o’quvchi bo’lishga doimo intiladi.