O`zbekiston respublikasi oliy va o`rta maxsus ta`lim vazirligi namangan muhandislik-qurilish instituti

Er osti suv zahiralari va foydalanish, million m³/yil

Mintaqa er osti suvi chamalangan zahirasi	18,455
Qazib olish uchun tasdiqlangan zahira	7,796
Jami amaldagi qazib olish	7,749
Ichki suv ta’minoti	3,369
Sanoat	715
Sug’orish	2,156
Vertikal zaxkash quduqlari	1,349
Nasos sinovi	120
Boshqa	40

O’zbekistondagi jami tabiiy er osti suvi zahiralari 24,35 km³ teng, deb chamalanadi. Ushbu miqdordan 20,79 km³ to’rtlamchi qatlamda, 2,92 km³ yuqori pliotsen–to’rtlamchi qatlamda va 0,46 km³ yuqori yuqori bo’r qatlamida joylashgan. Chuchuk er osti suvi asosan Farg’ona vodiysida(34,5 foiz) va Toshkent(25,7 foiz), Samarqand(18 foiz), Surxondaryo(9 foiz) va Qashqadaryo(5,5 foiz) viloyatlarida jamlangan, qolgani esa sho’rtang yoki sho’r bo’lib ularni ishlatish imkoniyati kam. Qolgan hududlardagi chuchuk suv jami 7 foizni tashkil qiladi.

Hozirgi paytda O’zbekistonning er osti suv resurslari qariyb kuniga 64 million m³ ta’minlashi mumkin. Er osti suvini qazib olish bilan shakllanish orasidagi muvozanat markazlashgan qazib olish hududlarda monitoring quduqlari orqali kuzatib boriladi. Er osti suvini olish tendentsiyasi 2001 yildagi kuniga 13,45 million m³ dan 2008 yildagi kuniga 18,19 million m³ etib bordi, bunda 120 shahar va tuman markazlari qamrab olindi.

Er osti suvi zahiralari aholiga etkaziladigan ichimlik suvining 80 foizini ta’minlab beradi. Umuman, mavjud er osti chuchuk suv zahiralari aholining ichimlik suviga bo’lgan talabini qondiradi. Biroq, shuni aytish lozimki, oxirgi bir necha yil davomida er osti suvining sifati yomonlashib bormoqda, oqibatda ichimlik suvi manbai sifatida foydalanib bo’ladigan er osti suvi zahirasikamayib bormoqda.

Sug’orish tizimlarining samaradorligi 2010 yilda 0,70 va 2025 yilga borib 0,75 etishi kerak. Suvdan foydalanish usullarning samaradorligi yaqin kelajakda o’rtacha 0,69 ga va 2025 yilga borib 0,74 ga etishi rejalashtirilgan..