O‘zbekiston respublikasi oliy va o’rta maxsus ta’lim vazirligi navoiy davlat pedagogika instituti qo‘lyozma huquqida usmonova sohiba toyir qizi fizikani o‘qitishda kompyuter texnologiyalardan foydalanishning o‘rni

Bilish vositalari. O‘quvchilarni fizik hodisalarni o‘rganishda mustaqil ravishda kuzatish, tajribalar o‘tkazish, tajriba natijalarini umumlashtirish hamda darsliklar, o‘quv qo‘llanmalari va boshqa qo‘shimcha adabiyotlardan foydalana olishga o‘rgatish muhim o‘rin tutadi.

Harakat va kuchlar. Inson harakatda va o‘zaro ta’sirda bo‘lgan jismlar qurshovida yashaydi. Shu munosabat bilan jismlar harakati va o‘zaro ta’sir qonuniyatlarini o‘rganish o‘quvchilarning ilmiy dunyoqarashini shakllantirishda muhim o‘rin tutadi. Bu esa fizika ta’Iimining asosiy maqsadlaridan biri hisoblanadi.

Modda. O‘quvchilarning tevarak-atrofdagi moddalar, ularning tuzilishi va xususiyati, modda tuzilishining diskretligi haqidagi ta’limot evolyusiyasi yuzasidan tasavvurga ega bo‘lishlari, moddaning turli agregat holatlari, har bir agregat holatdagi moddaning xossalari, berilgan xossaga ko‘ra yangi materiallar hosil qilish kabilar bilan tanishishlari o‘zlarini o‘rab turgan olam tuzilishini anglashlarida muhim bosqich hisoblanadi.

Maydon. Fizik maydon tabiatni organishdagi fundamental tushunchalar qatoriga kiradi. Maydon tushunchasini o‘zlashtirib olish o‘quvchilarda ilmiy dunyoqarashni shakllantirishning muhim sharti hisoblanadi. Maydon bilan tanishtirish o‘quvchilarning elektr, magnit va yoruglik hodisalarini, teleko‘rsatuv va radio aloqa tamoyillarini, turli chastotalar diapazonidagi elektromagnit to‘lqinlar xususiyatini tushunishlari uchun zarur bo‘ladi.