O‘zbekiston respublikasi oliy va o’rta maxsus ta’lim vazirligi navoiy davlat pedagogika instituti qo‘lyozma huquqida usmonova sohiba toyir qizi fizikani o‘qitishda kompyuter texnologiyalardan foydalanishning o‘rni

Tasvirlar. Virtual laboratoriyalardagi ko‘pchilik sahifalarining ajralmas qismi, bu har xil grafikli illyustratsiyalar, blok-sxemalar, chizmalar va b.larning mavjudligi hisoblanadi. Ularni yaratishda bir tomondan taqdim etlayotgan materialni maksimal darajada ko‘rgazmaliligini ta’minlashga harakat qilish zarur bo‘lsa, boshqa tomondan sahifalarda haddan tashqari ko‘p grafiklarni joylashtirish ularning hajmi va natijada uni yuklash vaqti oshib ketishligini e’tiborga olinishini talab etadi. Shuning uchun ham grafik axborotlarni joylashtirishda ularning umumiy ma’nosini ifodalovchi kichik hajmdagi tasvirlardan foydalanadi. Agar, ushbu tasvir o‘quvchini qiziqtirsa, u holda u uning to‘liq versiyasini yuklab olish imkoniyatiga ega bo‘lmog‘i lozim.

Virtual laboratoriyalarni yaratishda saxifalarda har xil konstruktorli xujjatlarni (o‘rnatish sxemasi, qurilma chizmasi va b.) taqdim etish muhim o‘rin egallaydi. Uning asosini har xil formatdagi chizmalar tashkil etadi. Ularning skanerlangan tasviri, odatda, yoki katta hajmga, yoki past sifat darajasiga ega bo‘lishadi. Shuning uchun ham, chizmalarning (AutoCAD muhitida tayyorlangan varianti) elektron versiyalarini ko‘rish uchun maxsus pleerlardan foydalanish maqsadga muvofiq. Bu holat ularni virtual laboratoriyalarda joylashtirish va o‘quvchilar ko‘rishi uchun etarlicha qulayliklarini ta’minlaydi.

Multimedia. Zamonaviy texnologiyalar virtual laboratoriyalarni yaratishda animatsiya, video va ovozlardan keng foydalanish imkoniyatini beradi. Multimediyali effektlardan o‘zini oqlamagan holda foydalanish, qoidaga ko‘ra o‘quvchilar uchun o‘zlashtirish jarayonini yanada murakkablashtiradi.

Shu sababli, shuni ta’kidlash kerakki, virtual laboratoriyalarni asosiy axborot qo‘llab-quvvatlanishiidagi barcha qo‘shimcha effektlar o‘quvchilar materiallarni o‘zlashtirishda yordam bera oladigan darajada foydalanilgani ma’qul. Ortiqcha maxsus effektlar fikrlash jarayonini qiyinlashtiradi va toliqishni oshiradi. Bunda, ulardan kerakli o‘rinlarda foydalanish o‘quvchilarda jarayonning kechishini tushunib etishi yoki mahsulotning konstruktsiyasini tushunishda sezilarli darajada yordam beradi. Ushbu maqsadda quyidagi vositalardan foydalaniladi: