O‘zbekiston respublikasi oliy va o’rta maxsus ta’lim vazirligi navoiy davlat pedagogika instituti qo‘lyozma huquqida usmonova sohiba toyir qizi fizikani o‘qitishda kompyuter texnologiyalardan foydalanishning o‘rni

ISPRING DASTURI VA UNING IMKONIYATLARI

ISpring dasturi ham boshqa dasturlar kabi o‘rnatiladi. Dastur o‘rnatilgandan keyin kompyuterning ish stolida “ISpring Pro”, “ISpring Suite”, “ISpring Kinetics” va “ISpring QuizMaker” yorliqlari paydo bo‘ladi.

ISpring Pro Microsoft Power Point dasturi bilan bog‘lanib taqdimot materiallari yaratishga mo‘ljallangan paketdir. ISpring dasturi o‘rnatilgandan so‘ng Microsoft Power Point dasturining menyular satrida “ISpring Pro” menyusi paydo bo‘ladi. Buning natijasida eng yuqori sifatli, chiroyli, animatsiyalarga boy va mazmunli taqdimotlar yaratish imkoniyati tug‘iladi .

ISpring Suite bu yuqorida namoyon bo‘lgan uchta paketni o‘z ichiga oladi. Bu yorliq orqali uchta paketdan birini ishga tushirish mumkin.

ISpring Kinetics paketi orqali ketma-ket beriladigan savol-javoblar, elektron kitoblar, alfavit bo‘yicha kataloglar yaratish mumkin.

ISpring QuizMaker paketida fanlar bo‘yicha predmet testlar va anketa savolnomalari tayyorlanadi.

Endi biz ISpring dasturining ISpring QuizMaker paketida ishlash prinsipini, unda test va anketa savollari yaratish usullarini ko‘rib chiqamiz.

Ish stolidagi ISpring QuizMaker yorlig‘i ustiga sichqoncha chap tugmasi ikki marta bosiladi va ekranda ushbu

oyna paydo bo‘ladi. Rasmda ko‘rinib turibdiki, ochilgan muloqot oynasida “Создать новый тест”( Yangi test yaratish), “Создать новую анкету” (Yangi anketa so‘rovnomasi tuzish), “Обзор” (Tanlash) va “Импортировать” (Import qilish) piktogrammalari mavjud.

“Обзор” va “Импортировать” bo‘limlarining vazifasi bir xil bo‘lib, oldin yaratilgan kompyuter xotirasida mavjud “quiz” formatli faylni ochib beradi.

“Создать новую анкету” bo‘limida kasbga oid, psixologik va bir necha xil so‘rovnomalar tuzish mumkin.

“Создать новый тест” bo‘limida 11 (o‘n bir) xil formaga ega bo‘lgan test savollari tuzish mumkin.