O’zbekiston respublikasi oliy va o’rta maxsus ta’lim vazirligi muqimiy nomidagi qo'qon davlat pedagogika instituti tasviriy san’at va muhandislik grafikasi kafedrasi

Oq rang - bu rang oq tuproq gilvata va 11% gacha oqtoshni mayda qumini qo`shib tayyorlanadi. Uni aralashtirib atala holda tayyorlab buyum yuziga tekis suriladi va keyin naqsh chiziladi.
Yashil rang – mis kuyundisi kukuni qo`rg`oshin sir va o`tga chidamli tuproq, ya`ni gilvata qo`shib tayyorlanadi. Mis kukuni avval qizg`ish rangda bo`ladi, xumbuzda pishirilganda yashil rangga aylanadi.
Qora rang - qora rang 15% gilvata, marganets oksidi, lazur` va qo`rg`oshin sirlarini qo`shib tayyorlanadi.
Sariq rang - yongan temir sop yoki mayda temir chiqindilaridan foydalanib, temir kukuni mis qozonga solinadi va unga gilvata, qo`rg`oshin siri hamda suv solib ezg`ilab tayyorlanadi.
Havo rang - lojuvard, oq tosh yoki oq qum va gilvataga qo`shib tayyorlanadi.
Har bir ijodkorning ruhiy xolati, o`zi bajarayotgan buyumida o`z aksini topmasdan qolmaydi. Kishi ruhiyatini ko`tarishda esa xonaning ozodaligi, jihozlarning qulayligi muhim rol` qynaydi. Kulolchilik xonasini jixozlashda xaykaltaroshlik xonalarini jihozlashning umumiy qoidalaridan kelib chiqqan xolda jixozlash qisman bo`lsada foydalanish maqsadga muvofiqdir.
Har bir asbob-uskunalar, xom-ashyolar, ko`rgazmali qurollar, tayyor ishlar, dastgohlar, elektropechlar tartibi bilan o`z joyiga qo`yilmog`i lozim.
Kulolchilik ustaxonasida tabiiy yorug`lik tushishini ta`minlash, buning iloji bo`lmasa, kunduzgi yorug`lik lampalari bilan ta`minlash kerak. Kulolchilik asarini yasash uchun ustadan mohir musavvirlikni, naqqoshlikni, haykaltaroshlikni talab etiladi. Har bir asbob uskunani yoki dastgohi, elektropechni, xumdonlarni ishlatishning qonun-qoidalari mavjud.
Ishlashdan oldin albatta maxsus ish kiyimini kiyib olish zarur. Xumdonda sopol buyumlar pishirishdan oldin xumdon atrofidagi buyumlar ko`zdan kechiriladi. Yong`indan saqlash choralari ko`rib chiqiladi. Elektroisitgichlarda ishlaganda uni isitishdan oldin barcha simlar, uzellarning butunligi ko`zdan kechiriladi. Agar ba`zi simlar izolyatsiyasi ochilib qolgan bo`lsa, topilgan kamchiliklar tuzatilgandan so`ng ishlashga ruxsat beriladi. Eelektropech ishlatilib, unga buyumlar qo`yilib, eshiklari yopilgach uning issiqligi asta-sekinlik bilan ko`tarilib boradi. Bu vaqtda pechning eshigini hoxlagan vaqtda qayta-qayta ochish taqiqlanadi. Pech va buyumlar ma`lum muddatda sovigandan keyin olinishi mumkin. Agar sopol buyum to`g`ri texnologiya asosida yasalgan bo`lsa, u yorilmay chiqadi.