O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

6.4-Rasm. Antidepressantlarning asosiy ta’sir yo`nalishlari
Imizin - Uning kuchli antidepressant xossasi, kuchsiz sedativ ta’siri bilan mujassamlangan. Ba’zi holatlarda dori vosita ta’sirida psixostimulyatorlik xossasi ham namoyon bo‘ladi (ya’ni qo‘zg‘alish, kayf, uyqusizlik). Ta’sir mexanizmi noradrenalin va serotoninni neyronal qayta so‘rishini kamayishi va Shu tufayli tegishli retseptorlar oldida monoaminlarning to‘planishi va ularning ta’sirini kuchaytirishi bilan bog‘liq, deb hisoblanadi. Serotonning limbik sistemaga susaytiruvchi ta’sirining kuchayishida, imizinning ta’siri katta ahamiyatga ega. Shuningdek, preparat presinaptik α₂-retseptorlarni (bunda noradrenalin ajralishi oshadi), serotonin (5HT_1A-1D) va gistamin retseptorlarini bloklaydi. Bu dori vositaning psixotrop ta’sir etishida, uning M-xolinoblokatorlik xossasi ham ahamiyatlidir. Markaziy ta’siri bilan birga Imizin ayrim periferik m-xolinoblokatorlik(atropinsimon),α₁-adrenoblokatorlik spazmolitik va yorqin antigistamin effektlarga ega. Depressiyalarda imizinning shifo ta’siri asta sekin yuzaga chiqadi (2-3 hafta). Periferik M-xolinoblokatorlik xossasi ko‘pgina noxush ta’sirini rivojlanishiga olib keladi (og‘iz qurish, akkomodatsiyaning buzilishi, taxikardiya, qabziyat, peshob ajralishining qiyinlashishi).

Психостимулловчи эффект	Антидепрессив эффект	Психоседатив эффект