O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Rp.: Coffeini natrio-benzoatis 1,2
Analgini 6,0
Aquae destillatae ad 180 ml
M.D.S. 1 osh qoshiqdan kuniga 3 mahal ichilsin
Izoh:“ad”old qo‘shimchasi o‘zbek tilida “gacha” ma’nosini bildiradi va mazkur retseptda u distillangan suvni ko‘rsatilgan miqdorgacha qo‘shish lozimligi to‘g‘risidagi ko‘rsatma bo‘lib hisoblanadi.
Suyuq dori shakllari uchun korrigenslar
Korrigenslar dori moddasining mazasini, hidini va ta’sirlantiruvchi xossasini kamaytirish yoki bartaraf qilish uchun ishlatiladi va 3 guruhga bo‘linadi:
1) siroplar (Sirupus simplex – oddiy sirop, sirupus cerrasi – olcha siropi va boshqalar) – suyuq dorilarning mazasini yaxshilash uchun;
2) hushbo‘y (aromatik) suvlar (aqua Menthae – yalpiz suvi, aqua Foeniculi – shivit suvi) – dorilarning hidini yaxshilash uchun;
3) shilimshiqlar (Mucilagines) – dori moddalarining ta’sirlantiruvchi xossasini kamaytirish uchun qo‘llaniladi. Bunda ko‘pincha kraxmal shilimshig‘i (mucilago Amyli)dan foydalaniladi. Shilimshiqlarning hammasi ofitsinal bo‘lganligi sababli retseptda ularning faqat nomi va miqdori ko‘rsatiladi xolos.
Shilimshiqlar bilan birga spirtli preparatlarni, kislota hamda ishqorlarni qo‘llash mumkin emas, Chunki ular shilimshiqning konsistensiyasini o‘zgartirib yuborishlari mumkin.
Korrigenslar suyuq dori umumiy miqdorining 1/3 qismini tashkil qiladi (xushbo‘y suvlar dorining suyuq qismini to‘liq qoplashi mumkin).
Misol.Ta’sirlantiruvchi xossaga ega bo‘lgan xloralgidrat (td=1,0) dan 4 marta osh qoshiqda qabul qilishga mikstura holida retsept yozib berilsin.
Hisoblash:
1) Xloralgidrat – 1 g x 4 marta = 4 g
2) Suv 1 osh qoshiq – 15 ml x 4 marta = 60 ml
3) Shilimshiq – 60 ml x 1/3 = 20 ml
Rp.: Chlorali hydrati 4,0
Mucilaginis Amyli 20 ml