O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

Ayirish sistemasi tselomda joylashgan buyraklardan iborat. Tuban vakillarda ayirish organlari 2 juft kiprikli kalta naychalardan iborat. Naylar xartumdan va yoqacha tselomlaridan boshlanadi. Xartumdagi naylar xartumning orqa tomoniga, yoqadagi ayiruv naylari esa jabra yoriqlariga ochiladi.
Nerv sistemasi. Asosiy nerv stvoli ikkita orqa va qorin tomonida joylashgan. Qorin nerv stvoli ancha kuchsiz rivojlangan bo'lib, faqat tanasining keyingi gavda qismida rivojlangan. Orqa nerv stvoli esa tanasining keyingi qismidan boshlanib, xartumga kirib boradi. Bu nerv stvoli tananing yoqacha qismida epiteliy yuzasida joylashgan, birmuncha ixtisoslashgan naysimon shaklda bo'ladi. Bunday nerv nayini umurtqali hayvonlarning orqa miyasi bilan qiyoslash mumkin. Bunday markaziy nerv sistemasi bilan bir qatorda terida juda ko'p nerv chigallari kam bo'ladi.



56-rasm. Balanoglossning ichki tuzilishi: 1 - glomerulyus, 2 - yurak xaltachasi, 3 - notoxord, 4 - yoqacha, 5 - orqa aorta, 6 - qorin aortasi, 7 - jabra yoriqlari


Sezgi organlari bo'lmaydi. Terisida juda ko'p yorug’likka sezgir hujayralar joylashgan.
Jinsiy sistemasi sodda tuzilgan, 30 juftdan ortiqroq jinsiy bezlari ichagining ikki yonida tanasining o'rtasida joylashgan. Jinsiy hujayralari tashqi muhitda urug’lanadi. Jinsiy dimorfizm rivojlanmagan.
Ishning bajarilishi.

1. 
   Mikroskop yoki lupa yordamida fiksatsiyalangan balanogloss organlarining tuzilishi bilan tanishib bo'lgach, quyidagi rasmlarni albomga chizib oling.
   
2. 
   Balanoglossning barcha organ va sistemalarining yon tomondan ko'rinishi (lupa bilan).
   
3. 
   Balanogloss halqumining ko'ndalang kesimi (mikroskop orqali).
   
4. 
   Balanogloss ichagining ko'ndalang kesimi (mikroskop orqali).
   

Nazorat savollari:

1. 
   Balanogloss tselom bo'shliqlarining tuzilishi qanday?
   
2. 
   Balanogloss ayiruv a'zolarining tuzilishi va funktsiyasi.
   
3. 
   Balanogloss endostilning vazifasi va funktsiyasi.
   
4. 
   Balanogloss nerv naylarining tanada joylanishi.
   
5. 
   Notoxord tuzilishi va vazifasi.