O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

Ayirish organi. To'garak og’izlilarning ayirish organi - mezonefros buyraklar ikkita uzun lenta shaklida bo'lib, tana bo’shlig’ining o'rtasidan deyarli Orqa chiqaruv teshigigacha davom etadi. Ularning bir uchi qorin pardasining burmasi bilan gavda bo’shlig’ining orqa devoriga yopishgan, ikkinchi erkin uchiga esa siydik kanali (Volfov kanallari) o'rnashgan. Siydik kanallari orqa tomonda siydik-tanosil sinusiga kelib qo’shiladi. Siydik-tanosil sinusi siydik-tanosil so’rg’ichining uchiga o'rnashgan siydik-tanosil teshigi orqali tashqariga ochiladi. Siydik kanallari orqa tomonda siydik-tanosil so’rg’ichining uchiga o'rnashgan siydik-tanosil teshigi orqali tashqariga ochiladi.
Jinsiy organi. Urg’ochi va erkak minoganing jinsiy organlari toq jinsiy bezdan iborat, bu bez tana bo’shlig’ining ko'p qisimini egallaydi. Urg’ochilarining tuhum bezi mayda-mayda uvildiriq donachalaridan tashkil topganligi bilan erkaklarning urug’donidan farq qiladi. To'garak og’izlilarda erkaklik va urg’ochilik jinsiy mahsulotlari bir hil usulda tashqariga chiqariladi. Chunonchi, pishib yetilgan tuhum va spermatazoidlar jinsiy bez devorlarining yorilgan yeridan gavda bo’shlig’iga tushadi. Keyin ular bir juft mahsus teshikdan siydik-tanosil sinusiga va undan siydik tanosil teshigi orqali tashqariga, ya'ni suvga chiqariladi. Minogalarning tuhumi suvda urug’lanadi.
Ishning bajarilishi.
1. Minoganing tashqi tuzilishi, shuningdek tanasining bo'yiga so'ngra ko'ndalang kesimlaridan tayyorlangan preparatlarda ichki organlarining joylashishi va tuzilishini o'rganib bo'lgach quyidagi rasmlarni albomga chizib oling.
2. Minoganing yonidan ko'rinishi. Sagittal (bo'yicha) kesimida ichki organlarning joylanishi.
3. Ichakning ko'ndalang kesimi.
4. Jabraning ko'ndalang kesimi.
5. Minoganing bosh skeleti (yon tomondan ko'rinishi).
Nazorat savollari:

1. 
   Minoga va miksinalarning hayot tarzi qanday?
   
2. 
   Minoganing og’iz apparatining tuzilishi qanday?
   
3. 
   Minoganing nafas olish jarayini.
   
4. 
   Minoganing qon aylanish xususiyatlari.
   
5. 
   Minoga sezgi a'zolarining tuzilishi qanday?