O‘zbekiston respublikasi oliy va o‘rta maxsus ta’lim vazirligi mirzo ulug‘bek nomidagi o‘zbekiston milliy universiteti

Eukariotlar
. Bir hujayrali suv o‘tlari va sodda hayvonlardan tortib yuqori 
tuzilgan gulli o‘simliklar, murakkab hayvonlar va odamlargacha bo‘lgan hamma 
mavjudotlar eukariot organizmlarni tashkil etadi. Eukariot hujayralar prokariot 
hujayralarga qaraganda murakkab va xilma–xil tuzilgan. Ularda xaqiqiy yadro va 
organoidlar mavjud. Eukariot yunoncha «eu» - haqiqiy, yaxshi, «karion» - yadro 
so‘zlaridan olingan. Hujayralar bir – biri bilan o‘zaro bog‘liq bo‘lgan uchta 
tarkibiy qismdan tashkil topgan: 1) hujayra qobig‘i, 2)sitoplazma, 3) yadro. 
Eukariot hujayralarning kattaligi va shakli asosan ular bajaradigan 
funksiyalarga bog‘liq bo‘ladi. Ularning o‘rtacha diametri 10 mkm dan 100 mkm 
gacha bo‘ladi. Tuxum hujayralar tarkibida oziq moddalar ko‘p to‘planganligi 
uchun ancha yirik bo‘ladi. Tuyaqush tuxumining diametri 150 mm gacha boradi. 
Hujayralarning o‘lchami organizmning kattaligiga bog‘liq emas. Masalan, yirik sut 
emizuvchilarning qizil qon tanachalarining diametri 10 mkm dan oshmaydi. 
Organning yoki butun organizmning kattaligi esa hujayralar miqdoriga bog‘liqdir.