O‘zbekiston respublikasi oliy va o‘rta maxsus ta’lim vazirligi mirzo ulug‘bek nomidagi

Kurs ishining obekti: O’zbekiston Respublikasi elektro energiya sanoati bo’lib, uning joylashishi va rivojlanishi istiqbollari hisoblanadi.

Predmeti: O’zbekiston Respublikasi elektro energiya sanoati tarmoqlari, tarkibi,unga oid bo’lgan korxonalar tushuniladi.

Kurs ishining maqsad va vazifalari. Maqsadi- energetika sohasida bozor islohotlarini chuqurlashtirish, bu soha tarmoq korxonalarini boshqarishni takomillashtirish va ularning ishlash samaradorligini oshirish hamda shu asosda mamlakat energetika tizimining barqaror ishlashini taminlash, iqtisodiyot va aholining elektr energiyaga bo’lgan ehtiyojini qondirish uning maqsadi hisoblanadi. Shunday maqsadda Respublikamizning birinchi Prezidenti I.A.Karimov 2001-yil 22-fevralda “O’zbekiston Respublika energetikasida iqtisodiy islohotlarni chuqurlashtirish to’g’risida”gi Farmonga imzo chekdi.

Farmonda O’zbekiston taraqqiyoti uchun zarur bo’lgan qator ustuvor yo’nalishlar: energetika korxonalarini monopoliyadan va davlat tasarrufidan chiqarish hamda aksiyalashtirish masalalari ko’zda tutilib, Respublika Energetika va elektrlashtirish vazirligini tugatish va uning tarkibiy bo’linmalari negizida ochiq aksiyadorlik kompaniyasi (“O’zbekenergoDAK”)ni tashkil etish va uning tarkibiga mustaqil yuridik shaxs huquqlari bilan “Ko’mir” aksiyadorlik birlashmasini kiritish ham nazarda tutiladi.

Mohiyati jihatidan nihoyatda muhim bo’lgan ushbu Farmonni hayotga to’la tadbiq qilinishi respublika ijtimoiy-iqtisodiy taraqqiyotini yuksaltirishda qo’yilga katta qadam bo’ldi.

Kurs ishi maqsadidan kelib chiqib quyidagi vazifalar belgilab olindi:

Birinchidan, O’zbekiston elektro- energiya sanoat tarmoqlari geografiyasini va elektro-energetika sanoat tarmoqlarini joylashishiga ta’sir etuvchi omillarni o’rganish va tahlili qilish.

Ikkinchidan, O’zbekiston elektro-energiya sanoat tarmoqlarining hududiy tarkibi va joylashishini o’rganish va tahlil qilish.

Uchinchidan, O’zbekiston elektro-energiya sanoatining rivojlanish istiqbollarini aniqlash va tahlil qilish.

To’rtinchidan, O’zbekiston elektro-energiya sanoatini rivojlantirishda xalqaro hamkorlik va xorijiy investitisiyalarni jalb qilish masalalarini ko’rib chiqish va o’rganish.