O‘zbekiston respublikasi oliy va o‘rta maxsus talim vazirligi jizzax politexnika instituti «Bino va inshootlar Qurilishi»

Ichki va tashqi pardozlash ishlari.

Loyihalanadigan binoda ichki va tashqi pardozlash ishlari, ishlarni olib borish bo‘yicha tegishli QMQlari talablari asosida bajarilgan. Binoning barcha ish kabinetlari va ichki yo‘laklari xonalarining ichki devorlari ohak-qumli tarkibga ega bo‘lgan oddiy qorishma bilan suvoqlangan. Binoning namlik rejimiga ega bo‘lgan hojatxona va yuvinish xonalarining devorlari ohak-sement va qumli murakkab qorishma bilan suvoqlangan. Barcha ish kabinetlari va ichki yo‘laklarining ichki devorlari suvoq ustidan “megomeks” maxsus silliqlash qorishmasi bilan yupqa tekislashdan o‘tkazilgan va barcha devorlar suvli emulsiya bo‘yog‘i bilan bo‘yoqlangan. Bo‘yoqlash ishlari xar bir xonada boradigan funksional jarayonlarni hisobga olgan holda tegishli koler yoki rang beruvchi bo‘yoqlardan foydalangan holda bajarilgan. Barcha xonalarda pol sathidan 0,4 m balandlikda devorlarning pastki qismida “sapojka” shaklida ajratib alohida suv bo‘yoqli havo rang bo‘yoq bilan bo‘yoqlangan. Devorlarning xona shiftiga etmasdan 0,15 balandlik qismida rangli bo‘yoqlash to‘xtatilgan va rangli koler bilan ajratuvchi chiziq tortilgan. Barcha xonalarning shiftlari oq rangda bo‘yoqlangan. YUvinish va hojat xonalarining devorlari 2,20 m balandlikda suv va namlik tasir etmaydigan sirlangan plitkalar bilan qoplangan.

Loyihalanadigan binoning tashqi devorlari to‘lig‘icha ohak-sement va qumli murakkab qorishma bilan suvoqlangan. Murakkab qorishma ustidan “megomeks” maxsus silliqlash qorishmasi bilan yupqa tekislashdan o‘tkazilib barcha devorlar suvli emulsiya bo‘yog‘i bilan bo‘yoqlangan. Bo‘yoqlash ishlari binoning tekis va alohida chiqib turgan qismlarini ajratgan holda turli bo‘yoqlar berish bilan amalga oshirilgan. Binoning sokol qismi suv va nam tasir etmaydigan sirlangan pltkalar bilan qoplangan.