O‘zbekiston respublikasi oliy va o‘rta maxsus ta’lim vazirligi jizzax politexnika instituti «Qurilish materiallari va konstruksiyalari»

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI

JIZZAX POLITEXNIKA INSTITUTI

«Qurilish materiallari va konstruksiyalari» kafedrasi

«KORXONALARDA QURILISH KONSTRUKSIYALARINI TAYYORLASHNI LOYIHALASH» fanidan

KURS LOYIHA ISHI

Bajardi: 345-17 QBM va KICH guruh talabasi

To`yliyev N

Qabul qildi: Tursunov B


KIRISH

Kurs loyihasini asosiy maqsadi yig‘ma temir-beton konstruksiya elementlarini loyihalash va ularni hisoblashdir.

Kurs loyihasining vazifasi nazariy materialni “Korxonalarda qurilish konstruksiyalarini tayyorlashni loyihalash” kursi loyihalash normalari bilan tanishtirish, binolar va inshootlarning yig‘ma temir-beton konstruksiyalarini loyihalashda nazariy malakani takomillashtirish bilan amaliyot mashg‘ulotida mustahkamlashdir.

Kurs loyihasini bajarishda talaba orayopma konstruktiv sxemasining ratsional variantini tanlaydi: rigellarning joylashishi (binoga bo‘ylama yoki ko‘ndalang), panellar va ustunlarni taqsimlash.

Hisoblash va loyihalash uchun talaba yig‘ma temir-betonning bitta egilgan va siqilgan elementi va konstruksiyasini tanlaydi.

Kurs loyihasini muvaffaqiyatli bajarish uchun tavsiya etiladi:

1. 
   Loyiha sxemasini va berilgan topshiriq o‘lchovlari bo‘yicha bino kesimini tuzish, bunda devorli to‘siqlar konstruksiyasi va pol konstruksiyasi mustaqil tanlanadi (1-rasm);
   
2. 
   Egilgan va siqilgan konstruksiya elementi hisobini bajarish kerak, buning uchun zarur:
   

-temir-beton elementlarining geometrik o‘lchovlarini hisoblash sxemasini aniqlash va ko‘ndalang kesim o‘lchovlarini belgilash;

-yuk miqdorini hisoblash, ko‘ndalang kuchlar va eguvchi moment hisob miqdorini aniqlash;

-pishiqlik sharoitida normal kesim bo‘yicha bo‘ylama ishchi armaturani tanlash;

-pishiqlik sharoitida qiya kesim bo‘yicha ko‘ndalang armaturani tanlash;

-ko‘rsatilgan alohida armatura mahsulotlarida qoliplanadigan va armaturali chizmalar eskizi tuzilishi kerak;

3. 
   Chizmada konstruksiya elementlari temir-beton elementining hamma geometrik o‘lchovlari beriladi va bir mahsulot uchun armatura spetsifikatsiyasi tuziladi.