O‘zbekiston respublikasi oliy va o‘rta maxsus ta’lim vazirligi issn 2181-4732

 
Innovatsion texnologiyalar №1 (29) 2018 y.
82 
____________________AXBOROTLAR/ИНФОРМАЦИИ__________________
Шахсий ҳаёт доирасини юридик ўлчовлар орқали аниқлаш ва белгилаб бериш мушкул 
иш, чунки унда пайдо бўладиган муносабатлар, асосан, ахлоқ меъёрлари ёки умумэътироф 
этилган хулқ-атвор қоидалари сифатида намоён бўлади. Шу билан бирга, ушбу 
муносабатларни қўриқлаш ва тартибга солиш талаб қилинади. Чунки бу фуқароларнинг ва 
бутун жамиятнинг манфаатларига мос келади. 
Яқин тарихимиздан маълумки, инсон билан давлат ўртасидаги муносабатда инсонга 
нисбатан беписандлик кучайган даврлар бўлган. Бугунги кунда бундай аччиқ ҳақиқатдан 
келиб чиқиб, давлатимизда «кучли давлатдан – кучли жамият сари» деган ғоя ўртага 
ташланиб, давлатнинг бошқарувдаги вазифалари торайиб, фуқаролик жамияти қурилишига 
катта аҳамият қаратилмоқда. Бунда инсон билан давлат ўртасидаги муносабатни қонунларда 
белгиланган тартибда ўрнатиш, давлатнинг қатор вазифаларини нодавлат ташкилотларига 
ўтказиб бориш, инсон ҳуқуклари ва эркинликларига устуворлик бериш, инсонга олий 
қадрият сифатида қараш, инсоннинг топталган шаъни ва қадр-қимматини ўз вақтида мавжуд 
воситалар орқали тиклаб бориш асосий вазифалардан ҳисобланади. 
Шуни қайд этиш жоизки, мамлакатимиз ўз тараққиётининг янги босқичига кирган 
бугунги кунда Президентимиз Шавкат Мирзиёев томонидан илгари сурилган «Халқ давлат 
ҳокимияти органларига эмас, давлат ҳокимияти органлари халқимизга хизмат қилиши 
керак» деган ғоя инсон билан давлат ўртасидаги муносабатларни конституциявий талаблар 
даражасига кўтаришга хизмат қилмоқда. 
Ҳар бир шахс ўз ҳуқуқини яхши билиб олиши, қонунларга риоя этиши, ҳуқуқни 
қўлловчи органлар билан фуқароларнинг қонун доирасида муносабатга киришиши, бузилган 
ҳуқуқларни тиклашида бевосита судларга мурожаат қилиши, адвокатлардан бевосита 
ҳуқуқий ёрдам олиши учун ҳуқуқий маданиятини ошириб бориши лозим. Буларнинг барчаси 
қонун устуворлигини таъминлашда муҳим омиллардан ҳисобланади. Зеро, ҳар бир инсон ўз 
шаъни ва қадр-қимматини ҳар қандай мол-у давлатдан, ўткинчи ҳою-ҳавасдан юқори 
қўймоғи, ўзининг ҳуқуқ ва манфаатларини муносиб ҳимоя қила олиши лозим.