O`zbekiston respublikasi oliy va o`rta maxsus ta`lim vazirligi guliston davlat universiteti

Qishloq xo`jaligida eksport hajmini ko`paytirish istiqbollari

Qishloq xo`jaligi eksporti O`zbekiston uchun, shuningdek mintaqadagi boshqa mamlakatlar uchun muhim daromad manbasidir. Qishloq xo`jaligi aholining daromad manbalaridan biri bo`lib qolmoqda va rivojlangan qishloq xo`jaligi sektori iqtisodiy va ijtimoiy barqarorlik uchun hal qiluvchi ahamiyatga ega. Qishloq xo`jaligi sohasining eksport salohiyatining sezilarli darajada o`sishi 2017-2021 yillarda O`zbekistonni rivojlantirish strategiyasining ustuvor yo`nalishlaridan biri sifatida ko`rsatilgan. FAO Texnik Hamkorlik Dasturining yangi loyihasi Hukumatning ayrim qishloq xo`jaligi mahsulotlari eksportini rivojlantirish bo`yicha milliy strategiyani tayyorlashdagi sa`y-harakatlarini qo`llab-quvvatlashga qaratilgan.

«Ushbu loyiha qishloq xo`jaligi mahsulotlarining ayrim turlarini eksport qilish bo`yicha milliy strategiyani shakllantirishga tizimli yordam beradi, shuningdek, respublikamiz qishloq xo`jaligi siyosati sohasidagi maqsadlardan biriga erishish uchun birlamchi hissa qo`shadi.
O`tgan yillar davomida Qishloq xo`jaligi vazirligi FAO bilan birgalikda organik qishloq xo`jaligi, o`simliklarni himoya qilish, resurs tejovchi texnologiyalar yordamida fermerlik va urug`chilikni rivojlantirish bo`yicha dasturlarni muvaffaqiyatli joriy etdi. Yangi loyiha O`zbekistonning qishloq xo`jaligi mahsulotlarini tashqi bozorga chiqarishning samarali mexanizmlarini yaratishga xizmat qilishi kerak.
O`zbekistonning qishloq xo`jaligi eksportini kengaytirish uchun echimini topadigan asosiy masalalar – transport, logistika, saqlash, yuqori sifatli oziq-ovqat xavfsizligini ta`minlashdir.
Nihoyat, rivojlangan mamlakatlarga – G`arbiy Evropa, Xitoy, Yaponiya va boshqa mamlakatlarga eksport qilishda, mahsulot sifati va kelib chiqishiga alohida jiddiy e`tibor beradigan yirik supermarket zanjirlari bilan ishlash uchun kuzatish tizimini yaratish kerak.
MDH mamlakatlari, Rossiya, qo`shni Qozog`iston bilan savdo-sotiq ham rivojlanmoqda (9-rasm).
Shu bois, bugungi kunda ko`pchilik o`zbekistonlik iste`molchilarni tashvishga solayotgan savol – bular ichki bozorga, eng avvalo narx-navoga ta`sir ko`rsatmaydimi, degan savol, juda o`rinlidir. Boshqa so`z bilan aytganda, mahsulotlar o`zimizning bozorlarda ham qoladimi, yoki hamma ham ularni sotib ololadimi?
Sir emaski, sotuvchilarning o`zlari narxlarning oshishini «bozorda shu mahsulotning, masalan, bu yili gilos yoki tarvuz, qovun va hokazo o`zi kam bo`ldi, hammasini Rossiyaga jo`natishdi…» – deb izohlashmoqda.