O`zbekiston respublikasi oliy va o`rta maxsus ta`lim vazirligi guliston davlat universiteti

To`qimachilik sanoati - eksporti hajmini ko`paytirishning muhim omillaridan biri sifatida
Paxta etishtirish bo`yicha 6-o`rinni egallovchi O`zbekiston paxta eksporti bo`yicha 3-o`rinda edi. Ammo keyingi yillarda paxta xom ashyosi eksporti qisqarmoqda, yuqori qo`shimcha qiymatli mahsulot eksportiga urg`u berilmoqda.
Engil sanoat O`zbekiston iqtisodiyoti uchun strategik soha bo`lgani holda, aholi bandligining yuqori darajasini, iqtisodiy va sanoat salohiyatiga hamda davlatimizning xalqaro nufuziga hissa qo`shilishini ta`minlaydi. O`zbekistonning noyob geosiyosiy joylashuvi ko`plab mamlakatlar bilan bevosita iqtisodiy muloqotda bo`lish , Evropa va Osiyo mamlakatlari bilan o`zaro foydali hamkorlik aloqalarini amalga oshirish imkonini beradi.
Engil sanoat yil sayin rivojlanib bormoqda. Yangi ishlab chiqarish texnologiyalarining joriy qilinishi, yuqori samarali, zamonaviy uskunalardan foydalanish, va ayni paytda samarali boshqaruv soha korxonalarida mehnatning yuqori samaradorligini, sanoat ishlab chiqarishi hajmi o`sishini ta`minlaydi. Ko`p yillar davomida faqat paxta tolasini eksport qilgan respublika, bugungi kunda nafaqat paxta tolasi ta`minotchisi sifatida, balki to`qimachilik mahsulotlari, ayniqsa, tayyor mahsulotlar eksport qiluvchisi sifatida jahon to`qimachilik bozorida etakchi mavqega ega bo`lish uchun cheklanmagan imkoniyatlarga ega.
O`zbekiston engil sanoati etakchi va jadal rivojlanib borayotgan sohalardan biri. Davlat statistika qo`mitasi ma`lumotlariga ko`ra, 2017 yilda mamlakat umumiy sanoat hajmida soha ulushi 30% ga yaqin bo`lgan, YaIM da gi ulushi 4% ga yaqin, noziq-ovqat tovarlari ishlab chiqarish hajmidaesa – 44 dan ortiq. So`nggi yillarda ishlab chiqarish hajmining yillik o`sishi taxminan 18 % ni, eksport esa 10 % ni tashkil etdi.
O`zbekiston Respublikasi Prezidentining 2017 yil 14.12 dagi PF-5282 sonli farmoni bilan «O`zbekengilsanoat» AJ ning tugallanishi va «O`zto`qimachiliksanoat» uyushmasining tashkil qilinishi ko`zda tutilgan edi. Ushbu islohotlar, «O`zto`qimachiliksanoat» uyushmasining to`g`ri tanlangan strategiyasi va savodli menejmenti mamlakatimiz to`qimachilik kompaniyalariga ijobiy o`sish dinamikasini namoyish qilish imkonini berdi.
O`zbekiston dunyodagi eng yirik tabiiy to`qimachilik tolalari, ip kalava va trikotaj ishlab chiqaruvchilaridan biri hisblanadi. Respublikada 7000 dan ziyod to`qimachilik korxonalari mavjud, ularning yillik quvvati quyidagicha: