O‘zbekiston respublikasi oliy va o‘rta maxsus ta’lim vazirligi guliston davlat universiteti

7.1. Korxonani umumiy tavsifini o‘rganish. Korxonaning boshqaruv tuzilmasi bilan tanishish
Korxona Nizomi bilan to‘la tanishish, uning nizom jamg‘armasi, bajaradigan ishlari, O‘zbekiston milliy iqtisodiyotini rivojlantirishga qo‘shayotgan hissasi, boshqaruv tuzilishi, tarkibi, ishlab chiqarish va yordamchi maydonlari, korxonaning maqsadi va vazifalari.
Bo‘lg‘usi iqtisodchi korxona boshlig‘ining iqtisodiy masalalar bo‘yicha muoviniga asosiy rezerv kadr hisoblanganligi uchun talabalar bu sohani chuqur o‘rganishlari zarur.
Korxonaning mulkchilik shakllarini o‘rganadi, ularni rivojlantirish yo‘llarini tahlil qiladi. Korxonani boshqarish tarkibini tahlil qiladi.


7.2. Korxona va tashkilotning iqtisodiy va rejalashtirish faoliyatini o‘rganish va boshqarish
Korxonani iqtisodiyot va rejalashtirish bo‘limining ish faoliyati bilan tanishadi. Bo‘lim boshlig‘i va xodimlarining bajaradigan ishlari, funksiyalari va vazifalarini o‘rganadi.
CHoraklik hisobotlar tuzish jarayonida qatnashadi va uni tuzishni o‘rganadi.
Korxonada bo‘ladigan yig‘ilishlarda iqtisodiyot va rejalashtirish bo‘limi xodimi sifatida qatnashadi.


7.3. Ishlab chiqarish va sotish (xizmat ko`rsatish, ish bajarish) faoliyatini boshqarish
Talaba korxonaning ishlab chiqarish bo‘limida uning faoliyati bilan tanishadi. Ushbu bo‘lim tarkibi, bajaradigan ishlari, mahsulot ishlab chiqarish reja topshiriqlarini tuzish jarayoni va uni nazorat qilishni o‘rganadi, sex va bo‘limlarda ishlab chiqarish jarayoni bilan tanishadi, mahsulot ishlab chiqarish texnologiyasini o‘rganadi va ularni tahlil qiladi. Maxsulot sotish, xizmat ko`rsatish va ish bajarishdan olingan daromadni o`rganish.


7.4. Marketing faoliyatini o‘rganish va boshqarish
Talaba marketing bo‘limining korxonani rivojlantirishdagi o‘rnini o‘rganadi. Bu bo‘limda bajariladigan ishlar, bo‘lim xodimlarining ish faoliyati, ishlab chiqarilayotgan yangi turdagi mahsulotlarni sotish reja topshiriqlarini tuzish, bozorni o‘rganish va yangi bozorlarni topish, iste’molchilar talablarini o‘rganish va ular bilan shartnomalar tuzish jarayonlari bilan tanishadi.