O‘zbekiston respublikasi oliy va o‘rta maxsus ta’lim vazirligi guliston davlat universiteti

Talaba malakaviy amaliyotni o‘tashda:
-amaliyot dasturida ko‘zda tutilgan topshiriqlarni to‘liq bajarishi;
-amaliyot ob’ektining ichki mehnat tartib qoidalariga bo‘ysinishi;
-mehnat muhofazasi, xavfsizlik texnikasi va ishlab chiqarish sanitariyasi qoidalarini o‘rganishi va qat’iy rioya qilishi;
-bajarilgan ish va uning natijalari uchun shu xo‘jalik sub’ektlari ishchilari qatori javobgarlikni olishi;
-kundalik daftar yuritishi, chizmalar, tasvirlar va boshqalarni bajarishi;
-amaliyot rahbariga barcha topshiriqlarni bajarilganligi haqida yozma ravishda hisobot berishi va amaliyot bo‘yicha sinov topshirishi shart.
Talaba malakaviy amaliyotiga borgan kunidan boshlab korxona va tashkilotning ichki tartib qoidalariga to‘la bo‘ysinadi, ularning barcha talablarini bajaradi va jamoat ishlarida faol qatnashadi.
Malakaviy amaliyot davrida talaba korxonaning Reja-iqtisod bo‘limi va boshqa bo‘linmalarida ishlaydi hamda menejer, iqtisodchi mutaxassislar funksiyasini bajaradi. Talaba malakaviy amaliyot davrida korxona rahbarining muovini, iqtisodiyot va rejalashtirish, mehnat va ish xaqi, buxgalteriya, moliya, marketing bo‘limlari faoliyatini to‘la o‘rganadi va choraklik hisobotlar tuzishda qatnashadi.
Malakaviy amaliyot davrida talaba o‘zi amaliyot o‘tayotgan korxonadagi zarur (zarurat bo`lsa) yig‘ilish va tadbirlarda qatnashadi va bo‘lajak iqtisodchi sifatida u quyidagalarga majbur:
-ishchi va xizmatchilarga iqtisodiy bilimlarni o‘rgatish bo‘yicha tashkil etiladigan o‘qishlarga qatnashish va ularni mustaqil ravishda olib borishga o‘rganish;
-iqtisodiyot sohasida ma’ruza qilish, suxbat va muzokaralarda qatnashish;
-boshqa korxona va tashkilotlar bilan shartnomalar tuzish jarayonida qatnashish.
3. Moddiy ta’minot
Talaba amaliyot davrida amaliyot o‘tish joyidan ish haqi olish-olmasligidan qat’iy nazar, umumiy qoidalar asosida uning stipendiya olish huquqi saqlanib qoladi.
Amaliyot davrida maosh oladigan lavozimlarda ishlaydigan talabalarga shu mutaxassis uchun tegishli me’yorda navbatdagi ta’til tovoni to‘lanadi. Avval ishlamagan talabalarga lavozimi, ishning boshlanishi va tugallanishini ko‘rsatuvchi buyruq nusxasi va mehnat shartnomasi tuzilganligi va to‘xtatilganligi haqida sanalari ko‘rsatilgan ma’lumotnoma beriladi.
Talabalar amaliyot davrida to‘lovli ish joyi va lavozimga qabul qilingan vaqtdan boshlab, amaliyot ob’ektidagi umumiy mehnat qonunlari, mehnat xafsizligi va ichki mehnat tartib qoidalariga amal qiladilar. Ish joyiga qabul qilinmagan talabalarga ham mehnat va ish kunining tartib-qoidalari taalluqlidir.
Amaliyotga rahbarlik qilishga tayinlangan professor-o‘qituvchilarga xizmat safarining to‘lovi, xizmat safarida bo‘lgan butun davr uchun xizmat safari to‘lovi haqidagi qoida asosida universitet tomonidan amalga oshiriladi.