O‘zbekiston respublikasi oliy va o’rta maxsus ta’lim vazirligi farg’ona davlat

3. Yo’naltirish funktsiyasi. Siyosiy ong kishilarga o’zlarini jamiyat va davlat oldida nafaqat burchlarga, majburiyatlarga, balki muayyan huquqlar, erkinliklar va siyosiy manfaatlarga ega bo’lgan fuqarolar ekanliklarini anglashga yordam beradi. O’z navbatida fuqarolik o’zini-o’zi idrok etish kishilarni sotsial voqelikni bo’sh, bir tomonlama anglashdan ijtimoiy-siyosiy hayotda aniq va faol ishtirok etishga undaydi. Bu bilan siyosiy ong o’zining yo’naltiruvchilik funktsiyasi orqali kishilarning aniq siyosiy xulq-atvorini, o’zlarining sotsial siyosiy manfaatlarini himoya qilishlari uchun ijtimoiy hayotda ishtirok etishlari, siyosiy partiyalarga, jamoat tashkilotlari va boshqa siyosiy uyushmalarga o’zlarining ham fikrlari bilan birlashishlari zarurligini uyg’otadi.
4. Tartibga solish funktsiyasi. Siyosiy ong voqelikni idrok etish asosida hamda uning tomonidan ishlab chiqilgan siyosiy g’oyalar, me’yorlar, tasavvurlar va e’tiqotlar negizida kishilarning ijtimoiy xulq-atvorlarini tartibga soladi.
Siyosiy ongning tartibga solish funktsiyasiga ehtiyoj jamiyat taraqqiyoti-ning keskin burilish bosqichlarida, inqirozli davrlarida mislsiz ravishda ortadi. Aynan siyosiy tizimning samaradorligi, voqealarning rivojlanish yo’li, ijtimoiy-siyosiy o’zgarishlarning yo’naltirilganligi jamiyat keng qatlamlari-ning siyosiy ongiga, «yuqoridagilar»ning siyosiy ko’rsatmalariga bog’liq bo’ladi.
SHunday qilib, siyosiy ong – sotsial sub’ektlar (individlar, guruhlar, sinflar, ijtimoiy birliklar)ning ijtimoiy hayotning siyosiy sohasi xaqidagi bilimlari, tasavvurlari va baholashlarining yig’indisidan iboratdir. U bir qator vazifalarini bilish, baholash, yo’naltirish, tartibga solish kabi funktsiyalarni bajarish bilan jamiyat hayotida muhim rolp o’ynaydi, uni harakatga keltiradi, o’zgartiradi.
Siyosiy ongning darajalari va shakllari. Siyosiy ong – bu favqulodda murakkab va ko’p qirrali hodisadir. U turli-tuman darajalar va shakllarda, avvalo, maxsus va ommaviy siyosiy ong shakllarida mavjud bo’ladi.