O‘zbekiston respublikasi oliy va o’rta maxsus ta’lim vazirligi farg’ona davlat

2. Yoshlar tashkilotlari harakati. «Kamolot» yoshlar ijtimoiy harakati. 2000 yilgacha O’zbekiston Respublikasi yoshlarining «Kamolot» jamg’armasi nomi bilan faoliyat ko’rsatishi mustaqillik yillarida ko’p ishlarni amalga oshirsada, u o’zini oqlamadi. (1996 yil O’zbekiston Respublikasi Prezidentining «O’zbekiston Respublikasi yoshlarining «Kamolot» jamg’armasi to’g’risida»gi farmoni ham bor edi). Natijada 2000 yil 24 yanvarda yoshlar masalasiga bag’ishlangan yig’ilishda Prezidentimiz Islom Karimov ««Kamolot» yoshlarimizning chinakam suyanchi va tayanchi bo’lsin» nutqida «Kamolot» nomini saqlab qolishni, shu nom bilan ataladigan yangi tashkilot... (Asarlar, 9-tom, 197-bet) tuzishni taklif etdi. Natijada 2000 yil aprelda «Kamolot» yoshlar ijtimoiy harakati ta’sis etildi. «Kamolot» yoshlar ijtimoiy harakati tashkilotining 2001 yil 1 oktyabrgacha 14 ta viloyat, 211 ta tuman, shahar bo’limlari va 15 mingdan ortiq boshlang’ich tashkiloti tashkil etildi. A’zolari soni 2,6 mln. nafardan oshdi.
3. Xotin-qizlar tashkilotlari. Mamlakatimiz aholisining 52% dan ortig’ini xotin-qizlar tashkil qiladi. Mustaqillik yillarida Respublikamiz xotin-qizlarini 1) tungi smenalarda ishlashdan xalos etish; 2) ertaroq pensiyaga chiqarish; 3) sog’lig’ini mustahkamlash bo’yicha ancha ishlarni olib bordi.
Umuman, xotin-qizlar tashkilotlarining asosiy maqsadi xotin-qizlar huquqlarini himoya qilish bilan birga, ularni jamoat ishlariga safarbar etish va shu asosda xotin-qizlarning ijtimoiy faolliklarini oshirib borishdan ham iboratdir. 1945 yilda «Xalqaro xotin-qizlar demokratik federatsiyasi» tashkilotiga asos solindi.
4. Diniy tashkilotlar – diniy jamoalarning eng yuqori rasmiy uyushmasi. Jamiyat siyosiy hayotida boshqa jamoat tashkilotlari bilan bir qatorda diniy tashkilotlar ham muhim rolp o’ynaydi. Dunyodagi musulmon mamlakatlarini 3 guruhga bo’lish mumkin: 1) Islom mamlakatlari; 2)islom davlat dini mamlakatlari; 3) huquqiy demokratik musulmon davlatlari (din davlatdan ajratilgan, bevosita O’zbekiston ana shu 3-guruh davlatlar turiga kiradi). 2002 yilga kelib respublikamizda 15 ta diniy konfessiyaga mansub 1900 dan ziyod diniy tashkilotlar faoliyat ko’rsatdi. Buxorodagi Mirarab madrasasi, Toshkent Islom universiteti, Toshkentdagi oliy ma’had, 14 ta madrasa, 400 ga yaqin diniy musulmon o’quv muassasalari va boshqa dinlarga tegishli 19 o’quv yurtlari muassasalarida 4200 dan ortiq yoshlar din asoslarini, dunyoviy bilimlarni o’rganmoqda²⁷.