O’zbekiston respublikasi oliy va o’rta maxsus ta’lim vazirligi farg’ona politexnika instituti

Mavzuning dolzarbligi. Foyda (daromad) iqtisodiy harakatning zaruriy sharti maqsadi sifatida qaraladi. Jahon amaliyotida foyda deyilganda ko’pincha biznes samaradorligining tadbir vositasi sifatida qaraladi. Foyda bu daromadlar va xarajatlar farqlanishidagi yuqori o’zgaruvchanlikdir. Ular orasidagi quyi o’zgaruvchanlik esa zararni ifodalaydi.
Foyda miqdorini ko’paytirishda moddiy va mehnat omillardan oqilona foydalanish muhim ahamiyat kasb etadi. Moddiy va mehnat omillardan xususan, mehnat unumdorligini oshirish, zamonaviy jihozlar samaradorligini oshirish va sifatli xom ashyodan foydalanib foyda miqdorini ko’paytirishga erishish korxonani ijtimoiy – iqtisodiy rivojlantirish rejasining asosiy yo’nalishidir. Moddiy va mehnat omillarining nafaqat miqdor jihatdan ko’paytirib, balki uning sifat jihatlariga ham e’tiborni kuchaytirish, ya’ni jihozlarning bekor turish vaqtlarini kamaytirish,ishchilar ish vaqtidan oqilona foydalanish hisobiga mehnat sig’imini kamaytirish hisobiga ular ish unumdorligini oshirish va xom ashyo va materiallar sarf me’yorini iqtisodiga erishish bir tomondan foyda hajmini qo’shimcha mablag’larsiz ko’paytirish, ikkinchi tomondan esa mahsulot tannarxini kamaytirish imkoniyatlarini yaratadi. Mahsulot tannarxini kamaytirish uning narxini ham pasaytirish imkoniyatini ham beradi. Bu kurs ishi mavzusining dolzarbligini asoslayidi.
Foydaning shakllanish masalasi Sh.Sh.Shodmonov, U.V.G’ofurov, A.O’lmasov, A.Vahobov, E.Sariqov, M.Mamatov, B.A.Abdukarimovlarning ilmiy tadqiqot ishlarida o’rganilgan.
Ishning asosiy maqsadini to’qimachilik korxonalarida foydaning iqtisodiy moxiyatini, uni ahamiyatini,turlarini va uni ko’paytirish yo’llarini nazariy hamda amaliy jihatdan yoritish bo’lib hisoblanadi. Bu maqsadni amalga oshirish uchun quydagi vazifalarni hal qilish belgilanadi:

• 
  foyda tushunchasini nazariy jihatdan yoritish;
  
• 
  foydani ko’paytirish ahamiyatini va uning turlarini aniqlashtirish;
  
• 
  aniq xo’jalik yurituvchi subьekt misolida foyda hajmini va uning shakllanish manbalarini baholash;
  

- foydani ko’paytirish yo’nalishlarini belgilash.
Kurs ishi tarkibi. Mazkur ish “Kirish”, Asosiy qism, “Xulosa” hamda foydalaniladigan adabiyotlar ro’yhatidan iborat.