Tanlab olingan individual topshiriq bo’yicha materiallar yeg’ish. Ushbu bo’limda talaba amaliyotni avvalida o’zi tomonidan mustaqil tanlangan yoki rahbarning tavsiyasiga ko’ra tanlangan mavzu bo’yicha talaba nazariy bilimlarni shakllantiradi va korxonadagi ushbu mavzusiga to’g’ri keladigan jarayon bilan tanishadi.
Hisobotni, individual topshiriqni tayyorlash, rasmiylashtirish va himoya qilish. Yuqorida berilgan ketma-ketlik bo’yicha talaba tomonidan barcha bo’limlar bo’yicha amalga oshirilgan ishlar, bajarilgan topshiriqlar hisobotda aks ettiriladi. Ilovada berilgan shakllarga asosan hisobot rasmiylashtiriladi va himoyaga olib chiqiladi. Himoya belgilangan komissiya oldida amalga oshiriladi.
5. AMALIYOTNI TASHKIL ETISH VA HISOBOT HIMOYASI YUZASIDAN UMUMIY QOIDALAR VA TARTIBLAR
5.1. Amaliyotga rahbarlik qilish
Amaliyot rahbari vazifasiga quyidagilar kiradi:
- talabalarni amaliyot oldi seminarida va amaliyot o`tash bazalariga biriktirishda qatnashish;
-talabalar amaliyotni boshlash oldidan institutda va amaliyot bazasida amaliyot o`tkazish umumiy qoidalari, xavfsizlik texnikasi qoidalari, yong`inga qarshi xavfsizlik qoidalari bilan tanishtirish va amalda joriy etilgan tartibda yo`riqnomadan o`tkazish;
-amaliyotga yuborilayotgan talabalarni rasmiylashtirilgan amaliyot kundaligi, uslubiy ko`rsatma va qo`llanmalar bilan ta’minlash;
- amaliyotni dastur asosida sifatli o`tkazilishiga javob berish;
- korxona tomonidan tayinlangan amaliyot rahbari bilan talabalarning amaliyot o`tkazish joyi va kunlik rejasini kelishish;
-talablarni me’yoriy sharoitda mehnat qilishlarini va dam olishlarini nazorat qilish;
-talabalarning ilmiy izlanish va ilmiy tadqiqot ishlariga rahbarlik qilish;
-amaliyot o`tkazish davrida talabalarga maslahat berish;
-amaliyot o`tkazish joylarida amaliyotni kafedra tomonidan tasdiqlangan grafik asosida olib borish;
-amaliyot bo`yicha talabalardan hisobot qabul qilish;
-amaliyotni yanada sifatli o`tkazish bo`yicha takliflar kiritish.
5.2. Amaliyot mobaynida talabaning amal qilishi lozim bo’lgan qoidalar
Talaba amaliyotni o’tash chog’idagi quyidagi qoidalarga rioya qilishi lozim:
amaliyot dasturida ko’zda tutilgan va amaliyotga rahbarlik qiluvchi o’qituvchi tomonidan berilgan individual topshiriqlarni to’liq bajarish;
korxonada joriy etilgan kun tartibi va ichki mehnat intizomiga doir qoidalarni o’rganib, ularga rioya qilish;
korxonada uskunalardan foydalanish, texnika xavfsizligi, mehnatni muhofaza qilish va boshqa mehnat faoliyatiga tegishli qoidalarni o’rganib, ularga qat’iy rioya qilish;
o’z kundaligida kunlik bajarilgan ishlarini aks ettirib borish va kun oxiriga kelib korxonadan tayin etilgan rahbarga tekshirtirish va imzolash uchun taqdim etish hamda haftada bir marotaba institut tomonidan tayin etilgan rahbarga tekshirtirish va imzolash uchun taqdim etish (haftaning shanba kuni tanlansa maqsadga muvofiq bo’ladi);
hisobot uchun materiallarni yig’ish va o’rganish bilan doimiy ravishda shug’ullanish;
har bir amaliyot o’tilgan bo’lim bo’yicha alohida hisobot yuritish;
malakaviy amaliyot tugashi bilan amaliyot bo’yicha hisobotni kafedraga taqdim etish.
Amaliyot dasturi bo’yicha topshiriqlarni bajarmagan, salbiy taqriz olgan yoki amaliyot hisobotini himoya qilish chog’ida qoniqarsiz baho olgan talaba talabalik safidan chiqariladi.
Korxona va tashkilotlarning ichki qoidalarini buzgan talaba haqida institut rektoriga xabar jo’natiladi.
5.3. Amaliyotni o’tash va hisobot tayyorlash
Har bir talaba korxonada ish jarayoniga tuzilgan texnologik xujjatlardan foydalangan holda amaliyot bo`yicha hisobot tuzadi.
Talabalarga hisobot tuzish uchun amaliyot davomida yozib borilgan kundalik va ish daftari ishchi dastur vazifasini o`taydi.
Talabalar kundalik davftariga har kuni nima bilan shug`ullanganliklari, ishchi daftariga esa korxona tuzilmaviy yechimi, ishlab chiqarish ishlarini bajarish usullari va uslublari, qo`llanilgan ish qurollari va moslamalari, hamda bajarilgan ishlar sifatida qo`yilgan texnik talablar haqida yozib boradi.