O’zbekiston respublikasi oliy va o’rta maxsus ta’lim vazirligi farg’ona politexnika instituti tabiiy tolalar kafedrasi 5321600-«Yengil sanoat texnologiyalari va jihozlari»

O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI
FARG’ONA POLITEXNIKA INSTITUTI


TABIIY TOLALAR KAFEDRASI


5321600-« Yengil sanoat texnologiyalari va jihozlari » bakalavr ta’lim yo’nalishi talabalari uchun
AMALIYOT DASTURLARI VA ULARNI BAJARISH BO’YICHA USLUBIY KO’RSATMA



FARG’ONA-2021


4. BITIRUV OLDI AMALIYOTI
4.1. Amaliyotning maqsad va vazifalari
Bitiruv oldi amaliyoti bakalavriat talabalarining bitiruv malakaviy ishini tayyorlashdan oldin amalga oshiriladigan so’nggi amaliyot shakli hisoblanadi. Ushbu amaliyotning muhimligi barcha olingan mutaxassislik va ixtisoslik fanlarini amaliy mustahkamlash, talabaning keyingi bosqich, ya’ni ishlab chiqarishga tayyorlash hamda bitiruv malakaviy ishini tayyorlash uchun kerakli tadqiqotlar o’tkazishni o’z ichiga oladi. Bitiruv oldi amaliyoti kadr sifatida yetishgan talabaning amaliyot bo’yicha barcha savollariga javob topishga, uning kelajakdagi rejalarini puxta o’ylashga hamda ishlab chiqarish bilan yaqindan tanishishga imkon beradi.
Bitiruv oldi amaliyoti o’quv jarayonining asosiy qismlaridan biri hisoblanadi. U 5321600 – Yengil sanoat texnologiyalari va jihozlari bakalavriat ta’lim yo’nalishi talabalari uchun 4-kurs 7-semestri davomida o’tkaziladi.
Amaliyotga talaba o’quv rejasiga binoan 18 haftaga ishlab chiqarish korxonalari va tashkilotlarga yuboriladi. Amaliyot natijalari hisobot shaklida bajarilib, kafedrada himoya qilinadi.