O’zbekiston respublikasi oliy va o’rta maxsus ta’lim vazirligi buxoro davlat universiteti iqtisodiyot va turizm fakulteti

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI BUXORO DAVLAT UNIVERSITETI


IQTISODIYOT VA TURIZM FAKULTETI

“TURIZM VA MEHMONXONA XO’JALIGI” KAFEDRASI

“Turizm va mehmondorchilik asoslari” fanidan kurs ishini yozish bo’yicha
O’QUV-USLUBIY KO’RSATMA


Tuzuvchi: 
Z.Ch.Hakimov – Buxoro davlat universiteti “Turizm va mehmonxona xo’jaligi” kafedrasi o’qituvchisi


Buxoro-2022
“Turizm va mehmondorchilik asoslari” fanidan kurs ishi yozish bo’yicha o’quv-uslubiy ko’rsatma bakalavr bosqichidagi 61010100 Mehmonxona xo‘jaligini tashkil etish va boshqarish; 61010400 Turizm (faoliyat yo‘nalishlari bo‘yicha) yo’nalishlari talabalari uchun. BuxDU 2022.
ANNOTATSIYA:
Ushbu o’quv-uslubiy ko’rsatma umumiy qoidalar, mavzu tanlash, kurs ishini bajarish muddati, kurs ishi tarkibi va strukturasi, rasmiylashtirish tartibi va kurs ishini baholash, mavzular, tavsiya etiladigan adabiyotlar va ilovalardan tarkib topgan.
Taqrizchilar:
1. H.R.Hamroyev. –“Turizm va mehmonxona xo’jaligi” kafedrasi professori, i.f.p.
2. О.Х.Аzimov- “Miracle Travel” turistik firmasi direktori
O’quv-uslubiy ko’rsatma:

Buxoro davlat universiteti “Turizm va mehmonxona xo’jaligi” kafedrasi majlisida muhokama qilindi va tavsiya etildi. (Bayonnoma № _____ _________ 2022y.)

Buxoro davlat universiteti Iqtisodiyot va turizm fakulteti ilmiy kengashida muhokama qilindi va tavsiya etildi. (Bayonnoma № _____ _________ 2022y.)

Buxoro davlat universiteti o’quv-uslubiy kengashida muhokama qilindi va nashrga tavsiya etildi. (Bayonnoma № _____ _________ 2022y.)

1.Kirish

Mamlakatning ijtimoiy – iqtisodiy rivojlanishida alohida xizmat ko’rsatuvchi sohalarning o’rni va roli g’oyat sezilarli bo’lib, bunda turizmning ahamiyati boshqa xizmat ko’rsatish sohalariga qaraganda yuqori sur’atlar darajasida rivojlanishi bilan belgilanadi. Shuning uchun ham keying yillarda O’zbekistonda turizmni rivojlantirish bilan bog’liq bo’lgan masalalarga katta e’tibor berilib, uning turistik salohiyatidan samarali foydalanish yo’llari shakllanmoqda.

Turizmda tarkibiy islohotlar va iqtisodiyotni modernizatsiyalashni yanada chuqurlashtirish, uning ko’lamini kengaytirish bilan bog’liq masalalarning nazariy va amaliy tomonlarini o’rganishda “Turizm va mehmondorchilik asoslari” fani alohida o’rin tutadi.
Turistik xizmatlarni tashkil etish - bu dunyoning barcha shaharlarida joylashgan yirik turoperator firmalar va turistik agentliklarning butun tarmog'i faoliyatining vazifasidir.
Maqsad – turizm va mehmonxona xizmatlarini ko’rsatish tashkil qilish asoslarini yoritish, turizm servisi korxonalari xususiyatlarini o’rganish, turizm sohasi firmalarini tashkil qilishda chet el tajribalaridan foydalanish, O’zbekistonda mehmondorchilik xizmatlarini takomillashtirish yo’llarini o’rganishdan iborat.

Ushbu uslubiy ko’rsatma bakalavr bosqichidagi 61010100 Mehmonxona xo‘jaligini tashkil etish va boshqarish; 61010400 Turizm (faoliyat yo‘nalishlari bo‘yicha) yo’nalishlari talabalari uchun va “Turizm va mehmondorchilik asoslari” fanidan kurs ishini tayyorlash reglamenti, rasmiylashtirish va himoya qilish uchun xizmat qiladi.