O‘zbekiston respublikasi oliy va o‘rta maxsus ta’lim vazirligi buxoro davlat universiteti milliy g‘oya ma’naviyat asoslari va huquq ta’lim yo‘nalishi Bitiruvchisi Gadoyev Sherzodning mavzu

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
BUXORO DAVLAT UNIVERSITETI
Milliy g‘oya ma’naviyat asoslari va huquq ta’lim yo‘nalishi
Bitiruvchisi Gadoyev Sherzodning

MAVZU: Axborot sohasini isloh qilish- taraqqiyotning muhim sharti.

Ilmiy raxbar: o’qituvchi Jo’rayeva N.

“Milliy g’oya ma’naviyat asoslari va huquq”

Kafedra yig’ilishida muhokama qilinib,himoyaga
Tavsiya etilgan.
“_____”_________№___sonli bayonnoma
Kafedra mudiri _________dots.Roupov S.S


Buxoro – 2015

Mavzu: Axborot sohasini isloh qilish- taraqqiyotning muhim sharti.

Reja.
Kirish .
I Bob.Istiqlolning dastlabki yillarida OAVni shakllantirish va erkinlashtirish bo’yicha amalga oshirilgan tadbirlar.
1.Mustaqil OAV ni shakllantirish va uning faoliyatiga yangicha yondashuv.
2.Fuqarolarning axborot sohasidagi huquq va erkinliklarini ta’minlashni takomillashtirish.
II Bob. Ommaviy axborot vositalari sohasidagi demokratik islohotlarni yanada chuqurlashtirish.

1. 
   Ommaviy axborot vositalari –aholi siyosiy faolligini oshirish vositasi va jamoatchilik nazoratini mustahkamlashning muhim sharti.
   
2. 
   Ommaviy axborot vositalarini yanada liberallashtirishning huquqiy asoslari.
   

Xulosa.
Adabiyotlar ro’yxati.
Mundarija.


Kirish.
Mavzuning dolzarbligi: Hozirgi kunda butun dunyoda ommaviy axborot vositalari o’zining ilgari tasavvur qilish ham qiyin bo’lgan beqiyos imkoniyatlari xisobdan o’ta kuchli va ta’sirchan vositaga, tabir joiz bo’lsa, g’oyat o’tkir qurolga aylanmoqda. Internet, suniy yo’ldoshlar, eng zamonaviy elektron vositalar va telekomunikatsiya tarmoqlari yordamida yer yuzining istalgan nuqtasiga bir zumda ma’lumotlarni uzatish imkoniyatiga ega bo’lgan bu qudratli tizim endilikda jahon axborot maydonida qanday yuksak taraqqiyot jarayonlari yuz berayotganini yaqqol ko’rsatib turibdi. Har qanday jamiyatning taraqqiy etishi boshqa muhim masalalar qatori avvalo axborot va so‘z erkinligi ta’minlanishiga bog‘liq. Axborot oqimi shiddat bilan turmush tarzimizga kirib kelayotgan bugungi kunda bu sohani taraqqiy ettirish jahondagi makrofaktorlardan biridir. O‘tgan yillar davomida axborot sohasini isloh qilish, ommaviy axborot vositalari faoliyatini yanada liberallashtirish, so‘z erkinligini ta’minlash borasida keng qamrovli ishlar qilindi. Ommaviy axborot vositalari rivojini ta’minlaydigan, demokratik talab va me’yorlarga to‘la mos keladigan mustahkam qonunchilik asosi yaratildi. Shu bilan birga, OAVni rivojlantirish, axborot sohasini demokratlashtirish jarayonida OAVning faol ishtirokini ta’minlash uchun yangi qonunlar qabul qilishni hayotning o‘zi taqozo etmoqda. Har qanday jamiyatda axborot hamisha mamlakat taraqqiyotining ko‘zgusi, kishilarning ongi, dunyoqarashi, siyosiy saviyasining shakllanishida asosiy vosita bo‘lib xizmat qilib kelgan. Bu holat ayniqsa shiddatli sur'atlar bilan o‘zgarib borayotgan bugungi globallashuv zamonida har qachongidan ko‘ra keng tarmoq yozdi, binobarin, hayotimizning birorta sohasini ommaviy axborot vositalarisiz tasavvur qilib bo‘lmaydi.
”So‘z va matbuot erkinligi, uning keng oshkoraligi, islohotlarning ochiqligini ta'minlaydigan demokratik prinsiplarni hayotga joriy etish imkonini beradi. Ayni ana shu vazifa nuqtai-nazaridan jamiyatni yanada rivojlantirish, uni sifat jihatidan yangilashda ustuvor yo‘nalish bo‘lib qolmoqda.