O`zbekiston Respublikasi oliy va o`rta maxsus ta’lim vazirligi Buxoro Davlat

Kirish 

   Mavzuning dolzarbligi. Doimo  insoniyatni  oldinga undovchi  omillardan biri 

tarixiy xotiradir. “Har qaysi xalqning milliy qadriyatlarini o’z maqsad- muddaolari, 

shu bilan birga, umumbashariy taraqqiyot yutuqlari asosida rivojlantirib, ma’naviy 

dunyosini  yuksaltirib  borishga  intilar  ekan,  bu  borada  tarixiy  xotira  masalasi 

alohida  ahamiyat  kasb  etadi.  Ya’ni  tarixiy  xotira  tuyg’usi  to’laqonli  ravishda 

tiklangan xalq bosib o’tgan yo’l o’zining barcha muvaffaqiyat zafarlari, yo’qotish 

va  qurbonlari,  quvonch  va  istiroblari  bilan  xolis  va  haqqoniy  o’rganilgan 

taqdirdagina chinakam tarix bo’ladi”.

1

 

Yevropa  mamlakatlarining,  xususan,  G`arbiy  Yevropa  kontinentidа  umumiy 

xristian  diniy  davlatning  tashkil  topishi  Karolinglar  davri  bilan  aloqador. 

Karolinglar sulolasi hukmronligi davri tarixini o`rganish orqali o`sha davr G`arbiy 

Yevropa  umumiy  tarixi,  turli  xalqlarning  kelib  chiqishi  (ingliz,  fransuz,  italyan, 

nemis), turli til, madaniyatlarning o`ziga xos xususiyatlarini o`rganish imkoniyatini 

yaratadi.  Shuningdek,  BMI  mavzusining  dolzarbligi  Karolinglar  sulolasi  davri 

yangi  ijtimoiy  munosabat  (feodalizm)larning  vujudga  kelish  shart-sharoitlari, 

o`ziga  xos  belgilari,  quldorlik  tuzumidan  progressiv  bo`lgan  yangi  tuzumning 

ijobiy  va  salbiy  jihatlarini  atroflicha  o`rganib,  ayni  zamondagi  murakkab  ijtimoiy 

munosabatlardagi  murakkab  ziddiyatli  holatlarni  oqilona  hal  qilishning  amaliy 

yechimlarini ishlab chiqish hisoblanadi. 

Tadqiqotimizning  xronologik  chegarasi  qilib  Karolinglar  sulolasi  751-yildan 

987-yillargacha hukmronligi va Fransiyaning mustaqil Fransiya davlati deb e’tirof 

etila  boshlagan  davrgacha  bo`lgan  chegara.  Karolinglar  hukmronligi  davrida 

Yevropada asta  sekinlik  bilan  feodalizm  munosabatlarining  yangicha  ko`rinishlari 

shakllana boshlagan edi.