O‘zbekiston respublikasi oliy va o‘rta maxsus ta’lim vazirligi andijon davlat universiteti

17-rasm. Raqibni elka bilan turtib  
to‘pni olib qo‘yish. 
To‘pni tashlash – maydon o‘yinchilari qo‘lda bajaradigan yagona usul. To‘p 
tashlash  harakatining  tuzulishi  ko‘p  jihatdan  futbol  qoidalarining  talabiga  qarab 
belgilanadi  va  unchalik  murakkab  hisoblanmaydi.  Biroq  to‘pni  uzoqroq  (25-30m) 
masofaga  etkazib  tashlash  uchun  maxsus  ko‘nikma  xosil  qilinadigan  bo‘lishi  va 
qorin,  elka  kamari  hamda  qo‘ldagi  mushak  guruhlariga  mayyan  darajada  kuch 
berilishi kerak. 
To‘pni tashlashda uni keng yozilgan barmoqlari yon tomonlaidan (o‘yinchiga 
qaragan  tomoniga  yaqinroq)  qamrab  turadigan  qilib,  bosh  barmoqlari  qariyb  bir-
biriga tegadigan darajada qo‘lga olinadi. 
To‘pni tashlash qo‘lni yuqoridan orqaga tortish tayyorlov bosqichi hisoblanadi. 
Dastlabki  holat  –  oyoqlarni  (elka  kengligida)  kerib  turish  yoki  bir  qadam  tashlagan 
holatda  turish.  To‘pni  tutgan  qo‘llar  tirsakdan  sal  bukiladi  va  yuqori  ko‘tarilib, 
boshdan orqaga o‘tkaziladi. Gavda orqaga egiladi, oyoqlar tizzasi bukilib, gavdaning 
og‘irligi (qadam tashlab turgan holatda) orqadagi oyoqqa tushadi.