O‘zbekiston respublikasi oliy va o‘rta maxsus ta’lim vazirligi andijon davlat universiteti

23-rasm. To‘pni qaytarib yuborish. 
Musht bilan to‘p qaytarishda zarba berishinig ikki varianti bor: elkadan boshlab 
urish va bosh ortidan boshlab urish. Elkadan boshlab urishning tayyorlov bosqichida 
darvozabon tirsagi bukilgan zarba beruvchi qo‘lini elkasi tomon tortadi. Gavdani ham 
shu  tomonga  buriladi.  Zarba  berish  harakati  gavdani  dastlabki  holat  tomonga 
burishdan  boshlanib,  qo‘lni  keskin  to‘g‘irlash  bilan  tugaydi.  Qo‘l  to‘la  to‘g‘irlanib 
olguniga  qadar  to‘p  mushtga  tegadi.  Zarba  barmoqlarning  birinchi  suyagiga  to‘g‘ri 
keladi. 
Bosh  ortidan  boshlab  urish  uchun  sal  bukilgan  qo‘l  yuqori  ko‘tarilib,  bosh 
orqaga  tortiladi.  Gavda ham  orqaga egiladi.  Gavda  bilan qo‘lni keskin  to‘g‘irlanishi 
hisobiga  zarba  beriladi.  To‘pga  u  darvozabondan  sal  oldinda  paytida  bevosita  zarba 
berish kerak. Zarba barmoqlarning o‘rta suyagi bilan beriladi. 

---

 
57 
To‘pning  ikkala  qo‘lni  mushtlab  qaytarib  yuborish  ishonchliroq  bo‘ladigan 
vaziyatlar  ham  (masalan,  to‘p  ho‘l  va  og‘ir  bo‘lsa)  uchrab  turadi.  Zarba  berishdan 
oldingi  dastlabki  holat  –  tirsaklar  bukilgan,  musht  tugilgan  qo‘llar  ko‘krak  oldida. 
(bunda  har  ikkala  musht  tugilgan  qo‘l  barmoqlari  juftlanib,  bir-biriga  tegib  turishi 
kerak).  Tarang  tortilgan  ikkala  qo‘lning  baravariga  to‘g‘irlab,  mushtlar  bilan  to‘pga 
zarba beriladi. 
To‘pni joyida turib, qadam tashlab, turli harakatlanishlardan keyin va ayniqsa 
sakrab turib bitta yoki qo‘lni musht qilib urib qaytarib yuborish mumkin. Sakrab to‘p 
qaytarish  darvozabonga  baland  to‘plar  uchun  raqib  bilan  muvaffaqiyatli  kurashish 
imkonini  beradi.  Bunda  bir  yoki  ikkala  oyoqda  depsinib,  yuqorilatib  olg‘a  tomon 
sakraladi.  Uchish  bosqichida  tayyorgarlik  harakatlari  qilinadi.  Zarba  berish  harakati 
ko‘tarilishining eng yuqori nuqtasiga etganda (yoki shundan sal oldinroq) boshlanadi. 
Erga oyoqlarni sal bukib tushiladi. 
To‘pni  qo‘ldan  sirg‘anib  ketishiga  yo‘l  qo‘ymaslik  uchun  barcha  hollarda 
to‘pga mushtning o‘rta qismi bilan zarba berilishi kerak.