O’zbekiston respublikasi oliy va o’rta maxsus ta’lim vazirligi andijon Davlat universiteti

Tayanch iboralar

Uy topshiriqlari. Uy topshiriqlarining xillari. Darsdan tashqari ishlar. Kabinetdagi darsdan tashqari ishlar. Tabiatdagi darsdan tashqari ishlar. O‘quv tajriba uchastkasidagi ishlar. Sinfdan tashqari ishlar. Ommfviy ishlar. Guruh ishlari. Yakka tartibdagi ishlar. To‘garak ishlari. Qushlar kuni. Mavzuli kecha.

Adabiyotlar №.2.4.5.6.7.8.10.
11-mavzu: Biologiya kabineti. Uning jihozlanishi. Ko‘rgazmali qurollar shakllari va xilma-xilligi. Asosiy o‘qitish vositalari: real va verbal. Qo‘shimcha o‘qitish vositalari: o‘qitish texnik vositalari, laboratoriya jihozlari, ularning tavsifi. Ko‘rgazmali qurollar klassifikatsiyasi va tavsifi. Tirik tabiat burchagi va u yerda o‘tkaziladigan ishlar. O‘quvchilarni faolligi. Tirik tabiat burchagi va tarbiya asoslari. O‘quv - tajriba uchastkasi. Uchastkada o‘tkaziladigan ishlar

Reja

1. Biologiya o‘qitishning material bazasi

2. Biologiya kabineti va uni tashkil qilish

3. Tirik burchak va uni jixozlash

4. Preparator xonasi

5. O‘quv-tajriba uchastkasi

Umumta`lim maktablarida biologiya predmetlarini o‘qitishni ilmiy asosda tashkil etishda ta`limning material bazasini yaratish muhim omillardan hisoblanadi. Maktablarda mehnat qilayotgan biologiya o‘qituvchilari qanchalik tajribali, bilim doiralari keng, o‘z ishlariga o‘ta sadoqatli, uslubiy jixatdan ham oldingi o‘rinlarni egallaydigon mutaxasislar bo‘lsalarda maktabning biologiya o‘qitishga yaqindan yordam beruvchi omillaridan bo‘lgan- material bazasi bo‘lmasa, bu maktablarda biologiya ta`limini talab darajasida olib borib bo‘lmaydi. Chunki biologiya ta`limi doimo darslar, darsdan, sinfdan tashqari mashg‘ulotlar paytlarida tirik o‘simlik va hayvonlar, ularning gerbariy va kolleksiyalaridan foydalanishlikni talab etadi. Undan tashqari turli mavzularni o‘rganishga yaqindan yordam beradigon kuzatish va tajribalar o‘tkazishlarsiz biologiyadan o‘quvchilarga puhta bilimlar berish mumkin bo‘lmaydi. Shu boisdan biologiya ta`limining talab darajasida tashkil etish va o‘tkazish uning material bazasi bilan bog‘lanadi. Biologiya o‘qtishning material bazasini tashkil etish ta`limning ko‘rgazmalili tamoilini amalga oshirishlikka ham xizmat qiladi. Xususan, hozirgi texnika taraqqiyoti davri ta`lim muassalarini ham zamonaviy texnika bilan jixozlanishini taqazo etmoqda. Shu boisdan umumta`lim maktablari, o‘rta maxsus va oliy ta`lim beruvchi o‘quv yurtlarini material bazasini yanada boyitish borasida katta ishlar amalga oshirilmoqda. Mazkur o‘quv yurtlari zamonaviy laboratoriya jixozlari, turli audio, video apparaturalar, kompyuterlar kabi asboblar bilan boyitib borilmoqda. Binobarin bunday katta miqdardagi ko‘rgazma qurollar va anjomlarni saqlash, ulardan o‘z o‘rnida foydalanish muhim vazifalardan xisoblanadi. Biologiya o‘qitishni talab darajasida olib borishga xizmat etuvchi bu vositalar- biologiya o‘qitishning material bazasini tashkil qiladi.

Biologiya o‘qitishning material bazasiga biologiya kabineti, tirik tabiat burchagi, o‘quv tajriba uchastkasi va preparatorlar xonasi kiradi.