O‘zbekiston respublikasi oliy va o‘rta maxsus ta’lim vazirligi andijon davlat tillar pedagogika instituti filologiya fakulteti

4. Bakalavrlar tayyorlash sifatini nazorat qilish va baholash

4.1. Bakalvariat yo‘nalishi bo‘yicha kadarlar tayyorlashning sifatini nazorat qilish quyidagilarni qamrab oladi:
ichki nazorat: oliy ta’lim muassasasi tomonidan amalga oshiriladi. Ichki nazorat oliy ta’limni boshqarish bo‘yicha vakolatli davlat organi tomonidan tasdiqlangan reyting nazorat tizimi haqidagi nizom asosida o‘tkaziladi;
yakuniy davlat nazorati: u davlat ta’lim standartlariga muvofiq ravishda fanlar bo‘yicha yakuniy Davlat attestatsiyalari hamda bitiruv malakaviy ishi himoyasini o‘z ichiga oladi;
davlat-jamoatchilik nazorati: oliy ta’limni boshqarish bo‘yicha vakolatli davlat organi, jamoat tashkilotlari va kadrlar buyurtmachilari tomonidan belgilangan tartibda amalga oshiriladi;
tashqi nazorat: belgilangan tartibda Davlat test markazining Kadrlar tayyorlash sifatini nazorat qilish, pedagog kadrlar va ta’lim muassasalari attestatsiyalar boshqarmasi tomonidan amalga oshiriladi.
Tayyorlangan kadrlar sifatini baholash kadrlar iste’molchilari tomonidan mehnat faoliyati jarayonida amalga oshiriladi.
4.2. Oliy ta’lim muassasalarining majburiyatlari:

• 
  oliy ta’lim muassasalari davlat attestatsiyasi va akkreditatsiyasi to‘g‘risidagi Nizomga muvofiq ushbu standart talablariga rioya qilish va bakalavr tayyorlash sifatini ta’minlash;
  
• 
  professor-o‘qituvchilar tarkibi va o‘quv-yordamchi xodimlar saviyasining malaka talablariga mos kelishini ta’minlash;
  
• 
  har bir fanni o‘quv dasturiga muvofiq ravishda zarur o‘quv-metodik adabiyotlar hamda mustaqil ta’lim va mustaqil ishlar materiali bilan ta’minlash;
  
• 
  o‘quv jarayonini moddiy-texnik jihatdan ta’minlash.
  

5. Eslatma


5.1. Oliy ta’lim muassasasiga:
-ushbu standartda nazarda tutilgan minimal mazmunni ta’minlagan holda talabaning haftalik maksimal yuklamasini oshirmasdan o‘quv materialini o‘zlashtirishga ajratilgan soatlar hajmini o‘quv fanlari bloklari uchun 5% oralig‘ida, blokga kiruvchi o‘quv fanlari uchun 10% oralig‘ida o‘zgartirish;
-umumkasbiy fanlar blokiga mos ravishda gumanitar va ijtimoiy-iqtisodiy, matematik va tabiiy-ilmiy o‘quv fanlarining alohida bo‘limlarini chuqurlashtirib o‘qitishni belgilash;
-o‘quv fanlari mazmuniga, texnika va texnologiyalarning yutuqlarini hisobga olgan holda o‘zgartirishlar kiritish huquqi beriladi;
-bitiruv malakaviy ish mavzusini belgilash oliy ta’lim muassasasi rektori tomonidan rasmiylashtiriladi.