O’zbekiston respublikasi oliy va o’rta maxsus ta’lim vazirligi andijon davlat universiteti o’zbekiston tarixi kafedrasi

12-mavzu. Yangilanayotgan O‘zbekiston: milliy tiklanishdan – milliy yuksalish sari. 
 
Reja: 
1. 2017-2021-yillarda Oʻzbekiston Respublikasini rivojlantirishning beshta ustuvor 
yoʻnalishi boʻyicha Harakatlar strategiyasining ishlab chiqilishi, hayotga joriy etilishi 
va uning ahamiyati. 
2. 2017-2021-yillarda Oʻzbekiston Respublikasini yanada rivojlantirish boʻyicha 
Harakatlar strategiyasi va unda belgilangan ustuvor yoʻnalishlar. 
 
2017-2021-yillarga moʻljallangan strategiyadan koʻzlangan maqsad – olib 
borilayotgan islohotlar samarasini yanada oshirish, davlat va jamiyat rivojini yangi 
bosqichga koʻtarish, hayotning barcha sohalarini liberallashtirish, mamlakatimizni 
modernizatsiya qilish boʻyicha eng muhim ustuvor yoʻnalishlarni amalga oshirishdan iborat. 
Xujjatda qayd etilishicha, mamlakat bosib oʻtgan taraqqiyot yoʻlining chuqur tahlili 
bugungi kunda jahon bozorida konyunktura oʻzgarib, raqobat tobora kuchayib borayotganini 
har tomonlama hisobga olishni, shu asosda davlatni yanada barqaror va jadal surʼatlar bilan 
rivojlantirish uchun mutlaqo yangicha strategik yondashuv va tamoyillarni ishlab chiqish va 
amalga oshirishni taqozo etmoqda. 
 
I. Davlat va jamiyat qurilishi tizimini takomillashtirishning ustuvor 
yoʻnalishlari. 

---

39 
1.1. Demokratik islohotlarni chuqurlashtirish va mamlakatni modernizatsiya qilishda 
Oliy Majlis palatalari, siyosiy partiyalarning rolini yanada kuchaytirish: davlat hokimiyati 
tizimida Oliy Majlisning rolini oshirish, uning mamlakat ichki va tashqi siyosatiga oid 
muhim vazifalarni hal etish hamda ijro hokimiyati faoliyati ustidan parlament nazoratini 
amalga oshirish boʻyicha vakolatlarini yanada kengaytirish; 
qonun ijodkorligi faoliyatining sifatini qabul qilinayotgan qonunlarni amalga 
oshirilayotgan ijtimoiy-siyosiy, ijtimoiy-iqtisodiy
va sud-huquq isloxotlari jarayoniga taʼsirini kuchaytirishga yoʻnaltirgan holda tubdan 
oshirish; siyosiy tizimni rivojlantirish, davlat va jamiyat hayotida siyosiy partiyalarning 
rolini kuchaytirish, ular oʻrtasida sogʻlom raqobat muhitini shakllantirish.