Oʻzbekiston respublikasi oliy va oʻrta maxsus ta'lim vazirligi andijon mashinasozlik instituti «muqobil energiya manbalari» kafedrasi

Elektr energiya sarfining solishtirma me’yor ko’rsatkichi strukturasi
Solishtirma sarf koʻrsatkichining me’yor strukturasi oʻzida mahsulotmi ishlab chiqarish yoki bajarilgan ish davomidagi iste’mol qilingan, sarf boʻlgan barcha energiya shakllarini jamlanmasini namoyon etadi va bu koʻrsatkichlarning barchasi me’yorga kiritilishini nazarda tutadi. Bu struktura me’yorlashda asosiy element hisoblanib, u bevosita tashkilotda texnologik jarayondan kelib chiqib oʻrnatiladi. Strukturani shakllantirish bevosita bu korxonani ishlab chiqarish xarakteri unda oʻrnatiladigan normalar, hamda iste’mol qilinayotgan elektr energiyani toʻliq iste’mol qilinishi hamda mahsulotlarni islab chiqarilish jarayoni bilan bogʻliq boʻladi.
Sanoat korxonalarini elektr energiya sarfi me’yor koʻrsatkichlariga quyidagi koʻrsatkichlar kiritilmasligi kerak: bino va inshoatlarning kapital remonti hamda qurilishi, yangi texnologiyalarni montaj qilinishi, zavod elektr stansiyalarini oʻz ehtiyojlari, agregatlarning ta’mirlash ishlari, ilmiy tadqiqot va eksperemental ishlar. Aynan mana shu yuqorida keltirilgan faktorlar uchun sarf boʻlgan elektr energiya sarfi me’yor koʻrsatkichga kiritilmaydi.
Ma’lum bir korxonani elektr energiya sarfini meyorlash masalalari koʻrilayotganda shu korxonada mavjud boʻlgan boshqa korxonaning elektr energiya sarfi hisobga olinmaydi. Boshqa korxona uchun albatta ishlab chiqarish turiga bogʻliq ravishda qaytadan elektr energiya sarfi me’yor koʻrsatkichlari oʻrnatilishi kerak.