O’zbekiston respublikasi oliy va o’rta maxsus ta’lim vazirligi al-xorazmiy nomli

3.2 Bioxima-xillikni saqlash istiqbollari

O’zbekiston Respublikasi Tabiatni muhofaza qilish davlat qo’mitasi, BMT Taraqqiyot dasturi va Global ekologik jamg’armaning mamlakatimizdagi vakolatxonalari hamkorligida tashkil etilgan mazkur tadbirda tegishli davlat, jamoat va xalqaro tashkilotlar vakillari, neft-gaz sanoati korxonalari mutaxassislari, jurnalistlar ishtirok etdi.

Prezidentimiz Islom Karimov rahnamoligida iqtisodiyotni modernizatsiyalashga yo’naltirilgan islohotlar jarayonida atrof-muhit musaffoligini ta’minlash, tabiatga salbiy ta’sir yetishining oldini olish, sof rivojlanish mexanizmlarini amaliyotga tatbiq etishga qaratilayotgan doimiy e’tibor jamiyatimizni barqaror rivojlantirishga xizmat qilayotir. O’zbekiston Respublikasi Vazirlar Mahkamasining 2013-yil 27-maydagi «2013-2017yillarda O’zbekiston Respublikasida atrof-muhit muhofazasi bo’yicha harakatlar dasturi to’g’risida»gi qarori asosida bu boradagi ishlar ko’lami kengayib borayotir. Tegishli tashkilotlar hamkorligida jamoat ekologik nazoratini kuchaytirish, tabiiy muvozanatni saqlashga yo’naltirilgan ko’plab loyihalar hayotga tatbiq etilmoqda. Yurtimizda neft-gaz tarmog’iga bioxilma-xillikni saqlashning zamonaviy tamoyillarini joriy etish bo’yicha bajarilayotgan loyiha bunga misoldir. O’zbekiston Respublikasi Tabiatni muhofaza qilish davlat qo’mitasi, BMT Taraqqiyot dasturi va Global ekologik jamg’arma hamkorligidagi ushbu loyihadan ko’zlangan maqsad mamlakatimizda barqaror rivojlanishga yo’naltirilgan ishlar ko’lamini kengaytirish, biologik resurslarni muhofazalash, ishlab chiqarish tizimida atrof-muhitga salbiy ta’sir yetishining oldini olish, yurtimiz tabiatini asl holicha asrash va kelajak avlodlarga yetkazishdir.  Mazkur loyiha Ustyurt mintaqasida amalga oshirilishi bejiz emas. Mazkur mintaqa o’ziga xos tabiati, noyob o’simlik va hayvonot dunyosi, betakror ekotizimlari va yer osti foydali qazilma boyliklari bilan ajralib turadi. Bugungi kunda ushbu hududda neft-gaz tarmog’ini rivojlantirish bo’yicha izchil ishlar olib borilayotir. Bu jarayonda ekologik xavfsizlikni ta’minlash va tabiatga ziyon yetishining oldini olish, ishlab chiqarish faoliyatini ekologiyaga mutanosib tarzda tashkil etish dolzarb vazifadir. 2010-yildan buyon amalga oshirilayotgan mazkur loyiha rahbari Xalilulla SHerimbetovning ta’kidlashicha, o’tgan yillar mobaynida ekologik qonunchilikni takomillashtirish, mutaxassislar malaka va mahoratini oshirish, ekologik nazorat o’tkazish va monitoring yuritish usullarini takomillashtirish, alohida muhofaza etiladigan hududlarni kengaytirish, tuproq yemirilishining oldini olish, tabiatdan oqilona foydalanishga yo’naltirilgan keng qamrovli chora-tadbirlar amalga oshirildi. Mintaqada yashovchi noyob hayvonlar – sayg’oqlarni asrash bo’yicha faoliyat yo’nalishlari belgilandi. Loyiha doirasida orttirilgan tajribalar kelgusida yurtimizning barcha hududida biologik resurslarni asrash, ishlab chiqarishda bezarar texnologiyalarni joriy etishga oid tajribalarni boyitishga xizmat qiladi.  Tadbirda mamlakatimiz neft-gaz tarmog’iga biologik xilma-xillikni asrash tamoyillarini joriy etish bo’yicha bajarilgan ishlar tahlil etildi va istiqboldagi vazifalar belgilab olindi.